Хаягдал ус дахин боловсруулж, гүний усыг орлуулах нь Туул голын урсацыг нэмэгдүүлэх, сав газрын экосистемд амьдарч буй зэрлэг амьтан, загас, жараахай зэрэг амьтдын амьдрах орчныг хамгаалах чухал ач холбогдолтой. Хаягдал ус дахин боловсруулах үйлдвэр нь 18 сая шоо метр усны гүний нөөцийг хамгаалж, Туул голын сав газрын экосистемийг сэргээн, нийслэлийн иргэдийн усны аюулгүй байдлыг хангах байгаль, экологид эерэг нөлөөтэй томоохон төсөл болж байгаа юм.
