"ESL Pro League 23" тэмцээний нэгдүгээр шатны тоглолтууд өндөрлөж хоёрдугаар шатны тоглолт өнөөдөр эхлэх гэж байна. Энэхүү тэмцээнд "The MongolZ" баг урилгаар оролцож байгаа бөгөөд хэсгийн эхний тоглолтоо "Pain" багтай хийнэ.

Хоёр баг нийт 19 удаа таарч тоглосноос 12 тоглолт "The MongolZ" багийн ялалтаар өндөрлөжээ. Үүнээс харвал энэ тоглолтод "The MongolZ”-ын ялах магадлал 63 хувьтай байна.

"ESL Pro League Season 23" тэмцээний нийт шагналын сан 1 сая ам.доллар ба нийт 24 баг өрсөлдөж байна. Эхний шатны тоглолтод 16 баг өрсөлдөж, шилдэг найман баг нь хоёрдугаар шат руу гарсан. Хоёрдугаар шат дээр эдгээр найман баг дээр нэмэгдэж чансаа өндөр найман баг урилгаар оролцон BO3 зарчмаар өрсөлдөнө.

Хоёрдугаар шатны эхний өдрийн тоглолтууд:

• Natus Vincere vs Monte
• Team Spirit vs 3DMAX
• G2 vs FaZe Clan
• MOUZ vs HEROIC
• FURIA vs B8
• The MongolZ vs paiN Gaming

Энэхүү тэмцээнд дэлхийн чансааны нэгт байгаа “Team Vitality” баг оролцохгүй билээ.