Засгийн газрын ээлжит хуралдаан өндөрлөж, хуралдаанаар хэлэлцэн зарим асуудлын талаар холбогдох  сайд нар мэдээлэл хийлээ. Хэвлэлийн хуралд Сангийн сайд Б.Жавхлан Гэр бүл, хөдөлмөр нийгмийн хамгааллын сайд Т.Аубакир сайд, Эрчим хүчний дэд сайд С.Далхаасүрэн, Хууль зүйд дотоод хэргийн дэд сайд Д.Мөнх-Эрдэнэ нар оролцлоо.

Нарны эрчим хүчтэй холбоотой журмыг өөрчилсөн талаар мэдээллийг Эрчим хүчний дэд сайд С.Далхаасүрэн өглөө. Тэрээр “Эрчим хүчний сайдын тушаалаар хэрэглэгчийн сэргээгдэх эрчим хүчний үүсгэврээс үйлдвэрлэсэн эрчим хүчийг түгээх сүлжээнд нийлүүлэх журмыг шинэчлэн баталлаа. УИХ-ын дарга Н.Учралын "Чөлөөлье" санаачилгын хүрээнд энэ журмыг шинэчилж байна. Иргэн, аж ахуйн нэгжүүд журмын өөрчлөлтийн талаар сонирхож байгаа учраас танилцуулж байна.

Өнөөдрийн байдлаар 111 иргэн аж ахуйн нэгж түгээх сүлжээнд эрчим хүч нийлүүлж байна. Үүний 76 нь айл, 35 нь аж ахуйн нэгж байна. Төлбөрийг жилд нэг удаа олгодог байсан бол сар бүхэн олгодог болсон. Хүчдэлийг 0.4 байсныг 10 кВ болгон нэмлээ. Нэг үгээр олон үе шаттай байсныг дөрвөн үе шаттай болгож бууруулсан.

1. Хүсэлтээ гаргах /түгээх, хангах, тусгай зөвшөөрөл гаргах/ Үүнийг 5 хоногийн дотор судлаад хариу мэдээлнэ.