Сүүлийн жилүүдэд цахим орчин дахь зар, пост, мессежээр дамжуулан “Валют солино”, “Доллар өндөр ханшаар авна”, “Шуурхай валют арилжина” гэх мэт зар байршуулж, иргэдийг залилан мэхлэх тохиолдол эрс нэмэгдэж байна. Өнгөрсөн онд л гэхэд цагдаагийн байгууллагад цахим орчинд “Валют солино” гэх зарын дагуу 68 иргэн залилуулсан тохиолдол бүртгэгджээ.

Ялангуяа олон нийтийн сүлжээ, зарын групп, мессенжер аппликейшнээр дамжуулан богино хугацаанд ашиг олох, зах зээлийн ханшаас илүү ашигтай санал тавих зэргээр итгэл төрүүлж, мөнгийг нь шилжүүлэн авч алга болох хэлбэр зонхилж байна.

Энэ төрлийн залилан хэрхэн явагддаг вэ?

Ихэнх тохиолдолд залилангийн схем дараах байдлаар өрнөдөг.

• Залилагч этгээд цахим орчинд “Валют солино” гэх зар байршуулж, зах зээлийн ханшаас арай өндөр, эсвэл хэт ашигтай санал тавина.