Монгол Улс 2026 оны нэгдүгээр сард нийт 105 улстай худалдаа хийж, гадаад худалдааны нийтбараа эргэлт 2.6 тэрбум ам.доллар болсон байна. Үүнээс экспорт 1.7 тэрбум ам.доллар,  импорт 843.0 сая ам.доллар болж, худалдааны тэнцэл 906.5 сая ам.долларын ашигтай гарлаа.

Нийт бараа эргэлтийн хэмжээ өмнөх оны мөн үеэс 608.9 сая ам.доллар, экспорт 730.2 (71.6%) сая ам.доллар, тэнцэл 851.5 (16.5 дахин) сая ам.доллароор тус тус өсөж, импорт 121.3  (12.6%) сая ам.доллароор буурсан байна.

Экспорт 2026 оны нэгдүгээр сард өмнөх оны мөн үеэс 730.2 сая ам.доллароор өсөхөд зэсийнхүдэр ба баяжмал 462.3 сая ам.доллар, нүүрс 167.6 сая ам.доллар, боловсруулаагүй буюу хагас боловсруулсан алт 95.5 сая ам.доллар, лаазалсан махан бүтээгдэхүүн 8.3 сая ам.доллароор тус тус өссөн нь голлон нөлөөлжээ. Мөн  уул уурхайн бус салбараас самнасан ноолуур болон лаазалсан махан бүтээгдэхүүний экспорт өнгөрсөн жилийн мөн үеэс өссөн байна.

БНХАУ-д экспортолсон барааны 41.2 хувийг нүүрс, 46.7 хувийг зэсийн хүдэр, баяжмал эзэлж байгаа бол Швейцар улсад экспортолсон барааны 99.3 хувийг боловсруулаагүй буюу хагас боловсруулсан алт эзэлжээ.