Бортээгийн ордыг эдийн засгийн эргэлтэд оруулах зорилгоор төсөлд хөрөнгө оруулж, хамтран ажиллах хөрөнгө оруулагчийг сонгох олон улсын нээлттэй тендер зарлаж байгаа талаар мэдээлэл хийлээ.

Хэвлэлийн хуралд “Эрдэнэс Монгол” нэгдлийн Гүйцэтгэх захирал Б.Даваадалай, ЭТТ компанийн Гүйцэтгэх захирлын үүргийг түр орлон гүйцэтгэгч Н.Цэрэнсамбуу нар оролцлоо.

Бортээгийн ордыг эдийн засгийн эргэлтэд оруулах шийдвэрийг Засгийн газар гаргаж хөрөнгө оруулагчийг сонгон шалгаруулах материалыг боловсруулах ажлын хэсэг байгуулсан. Тус ажлын хэсгийг Эдийн засаг хөгжлийн сайд Ж.Энхбаяр ахалж, бүх яамны төлөөллийг орж олон улсын нээлттэй сонгон шалгаруулалтын материалыг бэлтгэжээ. Ингээд материалаа Засгийн газарт гурван удаа танилцуулж энэ 7 хоногийн Засгийн газрын хуралдаанаар сонгон шалгаруулалт зарлах эрхээ авсан байна. Сонгон шалгаруулалтыг нэг сарын хугацаанд зарлах бөгөөд дотоод гадаадын аж ахуйн нэгжүүдийг саналаа ирүүлэхийг уриаллаа. Хөрөнгө оруулагч компанид дэд бүтэц, ажлын байр бий болгох, төмөр зам, авто зам, баяжуулах үйлдвэр барих шаардлагыг тавьж байгаа аж. Сарын хугацаанд ирсэн материалуудыг Засгийн газар, УИХ-д танилцуулах юм байна. Сонгон шалгаруулалтын бичиг баримтыг орлого хуваах хувилбараар боловсруулсан гэдгийг албаныхан хэллээ. Нийт 1000 онооны шалгуур үзүүлэлтүүдээр ажлын хэсэг сонгон шалгаруулалтын үнэлгээг хийнэ. Ингээд 700-аас дээш оноо авсан аж ахуйн нэгжтэй хэлэлцээр хийхээр баримт бичгийг бэлджээ.

“Эрдэнэс Монгол” нэгдлийн Гүйцэтгэх захирал Б.Даваадалай