Авто тээврийн үндэсний төвийн даргаар тод манлай уяач Ц.Батсайханыг томилжээ. Оны өмнө Ц.Батсайханыг АТҮТ-ийн даргаар томилох саналыг Зам тээврийн яамны ТНБД Б.Насантогтох ТӨБЗГ-ын дарга Б.Цэнгэлд хүргүүлсэн. Мөн Сонирхлын зөрчлийн тухай хуулийн дагуу АТГ-т хянуулахаар хүргүүлсэн байна. Харин АТГ-аас Ц.Батсайхан нь Сонирхлын зөрчилтэй учраас томилж болохгүй гэсэн хариу өгсөн ч өнгөрсөн 7 хоногт томилгоог хийжээ. Эх сурвалжийн мэдээлж буйгаар МАН-ын Ерөнхий нарийн бичгийн дарга Я.Содбаатарын шахаасаар хуульд нийцээгүй ч Ц.Батсайханыг Авто тээврийн үндэсний төвийн даргаар томилсон аж. Ц.Батсайханы ах нь "Симба" хочит Ц.Батаа бол дүү нь МАН-ын нарийн бичгийн дарга асан Ц.Бат-Энх. Ах Ц.Батаа нь 2004-2008 онд УИХ-ын гишүүнээр ажиллаж байсан бөгөөд УИХ-ын дарга асан М.Энхболдын нэг сургуулийн найз. Харин дүү Ц.Бат-Энх нь М.Энхболдыг МАН-ын дарга байхад намынхаа нарийн бичгийн даргаар ажиллаж байгаад өдгөө "Эрдэнэт үйлдвэр"-ийн Хамтын ажиллагаа, нийгмийн харилцааны бодлогын газрын даргаар ажиллаж байгаа. Тэгвэл 2019 онд М.Энхболд ММСУХ-ны Ерөнхийлөгчийн суудлаа Ц.Батсайханд өвлүүлэн өгч байв.Түүний намтарт ОХУ-ын Новосибирск хотын Их Сургуульд суралцаж, эдийн засгийн мэргэжил эзэмшсэн, СУИС-ийг төгссөн гэж бичсэн ч бүгд худлаа гэнэ. Тэрээр ямар ч сургуул төгсөөгүй СУИС-д дуучнаар суралцаж байсан ч сургуулиа төгсөж чадаагүй гэнэ. Тиймээс мэргэжлийн бус дуучин, уяач хийж яваад ах нарынхаа түлхээсээр төрийн албанд цөөнгүй удаа томилогдон ажилласан.
