Боловсролын зээлийн сангийн дарга О.Сийлэгмаа Боловсролын сайд П.Наранбаярын тушаал зээлийн сангийн журмыг зөрчсөн байгаа учраас хэрэгжүүлэх боломжгүй гэсэн албан бичгийг хүргүүлсэн байна.

Тодруулбал, Боловсролын сайд П.Наранбаяр Засгийн газрын тэтгэлгээр суралцах сурагчдын тоог 13-аар хэтрүүлэн баталсан, мөн Польш, Франц, Куба, Их Британид суралцаж байгаа 42 сурагч эрэлттэй болон тэргүүлэх бус мэргэжлээр суралцаж байгаа нь зээлийн сангийн журам зөрчиж байгаа учраас Боловсролын сайдыг тушаалаа өөрчилж, хуульд нийцүүлэх албан бичиг хүргүүлсэн байна.