Даатгуулагч иргэн ажлаас халагдсаныхаа дараа даалтгалын байгууллагад хүсэлт гаргавал ажилгүйдлийн тэтгэмж олгохоор заасан байдаг. Тодруулбал, ажилгүйдлийнтэтгэмжийг даатгуулагчийн сүүлийн дараалсан есөн сарын цалингийн дунджаас бодож, нийт 76 хоногийн тэтгэмж олгодог билээ. Сүүлийн үед ажилгүйдлийн тэтгэмжээ авч чадахгүй байгаа гэх мэдээллийг иргэд манай сайтад ирүүлсээр байна. Энэ талаар Сангийн яамнаас тодрууллаа.

-Ажилгүйдлийн тэтгэмж өгөхгүй байгаа юм уу. Хэзээнээс олгож эхлэх вэ?

-2025 онд Ажилгүйдлийн даатгалын сангийн төсөв 161.9 тэрбум төгрөг батлагдсан бөгөөд өнөөдрийн байдлаар олгосон ажилгүйдлийн тэтгэмжийн гүйцэтгэл нь 161.9 тэрбум төгрөгт хүрсэн. Өөрөөр хэлбэл, батлагдсан төсвийг бүрэн зарцуулж, хуваарилсан гэсэн үг. Одоо ажилгүйдлийн төсвөөс хэтэрсэн тэтгэмжийг 2026 он гармагц олгож эхэлнэ.

-Төрийн албан хаагчдын 3 ба 5 жилийн тэтгэмжийг хэзээнээс олгож эхлэх вэ. Тэтгэмж олгогдохгүй байгаа тухай гомдол ирсэн үү?

-Орон нутагт тогтвор суурьшилтай 5 болон 3 жил ажиллаж байгаа багш нарын тэтгэмжийн зардал 2025 оны төсөвт бүрэн туссан, ажилласан жил нь гүйцэж, шаардлагаа хангасан багш нарт тэтгэмжийг олгож байна.

-Төрийн албан хаагчдын нэмэлт цалин, урамшуулал өгч байгаа юу. Хэзээнээс олгож эхлэх вэ?

-Төрийн албан хаагчдын улирлын үр дүнгийн мөнгөн урамшууллыг орлогын бүрдэлтэй уялдуулан 12 дугаар сарын 20-ноос хойш олгож эхэлнэ.

-Эрүүл мэнд, Боловсролын салбарынханы нэмэлт цалин, урамшуулал өгч бгаа юу?

-Эрүүл мэнд, боловсролын салбарын нэмэгдэл, нэмэгдэл хөлс, урамшуулал хэвийн олгогдож байна.