Монгол Улсын нийгэм, эдийн засгийн байдлын 2025 оны эхний 10 сарын танилцуулгыг ҮСХ-ны Эдийн засгийн статистикийн газрын Үнийн статистикийн хэлтсийн дарга Г.Мөнх-Оргил танилцууллаа.

Тэрээр "2025 оны эхний 9 сард урсгал данс 1.6 тэрбум ам.долларын алдагдалтай, санхүүгийн данс 2.0 тэрбум ам.долларын ашигтай гарч, төлбөрийн тэнцэл 53.2 сая ам.долларын ашигтай гарсан байна. Мөн энэ оны 9 сард үйлчилгээний худалдаанаас 1.5 тэрбум ам.долларын орлого олж 3.6 тэрбум ам.долларын зарлага гаргажээ. Санхүүгийн дансны тэнцэл энэ оны эхний 9 сард 2.0 тэрбум ам.долларын ашигтай гарч өмнөх оны мөн үеэс ашиг 2.1 дахин өссөн байна. 

Мөнгөний нийлүүлэлт 2025 оны аравдугаар сарын эцэст урьдчилсан гүйцэтгэлээр 45.0 их наяд төгрөгт хүрч, өмнөх оны мөн үеэс 2.9 их наяд төгрөгөөр өсжээ. Тус өсөлтөд төгрөгийн хадгаламж 3.2 их наяд төгрөгөөр өссөн нь голлон нөлөөлсөн.

Төгрөгийн хадгаламжийн 20.6 их наяд төгрөг нь иргэдийн хадгаламж, 3.3 их наяд төгрөг нь ААН байгууллагын хадгаламж байна. Валютын хадгаламж 5.5 их наяд төгрөгт хүрч өмнөх оны мөн үеэс 1 их наяд төгрөгөөр, өмнөх сараас 206.8 тэрбум төгрөгөөр өссөн үзүүлэлттэй байна.