МАН-ын 31 дүгээр Их хурал хоёр өдөр хуралдана гэж байсан ч өнөөдөр ч үргэлжлүүлэн хуралдах юм байна. Бямба, ням гарагт хураалдсан хурлаараа намын даргаа сонгож, үндсэн дүрмээ шинэчилсэн. Тэгвэл өнөөдөр Бага хурлын гишүүдийн бүрэлдэхүүн болон Хяналтын хороо зэргээ сонгох юм байна.

Өчигдөр Их хурлаараа Бага хурлын гишүүдийн тоог нэмж 597 болгосон ч бүрэлдэхүүнээ тохирч чадаагүй байна. Учир нь Бага хурлын 597 гишүүндээ фракцуудын төлөөллийг ижил тэнцүү оруулах учраас өчигдөр бүрэлдэхүүнээ танилцуулаагүй байна.

Шинэ даргаа сонгосон МАН өнөөдөр УИХ-ын даргын томилгоог Бага хурлаараа шийдэх бололтой. УИХ-ын дарга Д.Амарбаясгалан ажлаа өгснөөс хойш УИХ-ын даргын томилгоог хойшлуулж, Их хурлынхаа дараа хийхээр тохирсон. Тиймээс өнөөдрийн Бага хурлаар УИХ-ын дарга болон намын бүтэц, зохиож байгуулалт, Удирдах зөвлөлийн бүрэлдэхүүнийг хэлэлцэх юм.