Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх Түр хороог өнгөрсөн хаврын чуулган завсарлахаас өмнө байгуулсан. УИХ-ын хянан шалгах түр хүрооны даргаар УИХ-ын гишүүн О.Батнайрамдалыг томилсон билээ. Түр хороо үндсэн хоёр асуудлын хүрээнд хянан шалгах ажлыг зохион байгуулна.

1. Монгол Улсын Ерөнхий сайдын 2025 оны 67 дугаар захирамжаар байгуулагдсан Оюу толгой төслийн санхүүжилтийн хүүгийн зохистой байдлыг хянан үзэх, өөрчлөх асуудлаар хөрөнгө оруулагч талтай хэлэлцээр хийж, санал боловсруулах үүрэг бүхий ажлын хэсгийн явцын мэдээллийг сонсох.
2. Монгол Улсын Ерөнхий сайдын 2025 оны 73 дугаар захирамжаар байгуулагдсан Стратегийн ач холбогдол бүхий Оюу толгой бүлэг ордыг талбайн хил, зааг дотор ашигт малтмалын ашиглалтин тусгай зөвшөөрөл эзэмшдэг "Онтрэ" компанийн хувьцааны төрийн эзэмших хувь хэмжээг Монгол Улсын Үндсэн хууль, Ашиг малтмалын тухай хууль, тогтоомжид нийцүүлэн тогтоох талаар хөрөнгө оруулагч талтай хэлэлцээр хийх, холбогдох асуудлыг УИХ-д танилцуулах үүрэг бүхий ажлын хэсгийн явцын мэдээллийг сонсох

Уг хоёр асуудалтай холбоотойгоор Түр хорооны хянан шалгах шинжээч нар ажиллаж байгаа бөгөөд шаардлагатай баримт материалтай танилцаж буй. Энэ хүрээнд Оюу толгой ХХК-аас 30000 гаруй бичиг баримтыг Түр хорооны Ажлын хэсэгт хүргүүлж, хамтран ажиллаж байгаагаа мэдэгдсэн. Харин Оюу толгойн гүйцэтгэх захирал, удирдлагуудын хувьд Түр хорооны хуралд оролцох боломжгүй, шаардлагатай мэдээллийг тухай бүрд гарган өгч, хамтран ажиллахад нээлттэй гэдгээ илэрхийлсэн.