МАН-аас УИХ-д анх удаа сонгогдсон 12 гишүүн намын эвлэрлийн асуудлаар мэдээлэл хийлээ. 

МАН 104 жилийн түүхтэй бөгөөд 31 дэх Их хурлаа маргааш хийнэ. Энэ удаагийн Их хуралд өмнөх жилүүдээс хамгийн өргөн төлөөлөл оролцож, намын ирэх дөрвөн жилийн хөгжлийн төлөвлөгөө, мөрийн хөтөлбөр, намын дүрмийн шинэчлэл зэрэг гол баримт бичгүүдийг хэлэлцэн батлахаар төлөвлөжээ.

МАН 2024 онд ард иргэддээ амласан мөрийн хөтөлбөрийн хэрэгжилтийг хангаж, нийгмийн суурь өөрчлөлтүүдийг хийх чиглэлээр бодлого тогтоох нь Их хурлын гол зорилт нь байх юм. Мөн намын дүрмийн хүрээнд намын даргыг сонгож, Хяналтын хороог байгуулан үргэлжлүүлэн Бага хурлыг байгуулах дарааллаар үйл ажиллагааг явуулна. Өнөөдөр ажлын хэсгүүд мөрийн болон үндсэн хөтөлбөрийн хэлэлцүүлгээ эхлүүлжээ.

УИХ-ын гишүүн З.Мэндсайхан: Маргааш МАН-ын Их хурал болох гэж байна. Энэ удаад МАН-ын залуу 12 гишүүн нэгдэж мэдээлэл хийхээр боллоо. Өнгөрсөн хугацаанд УИХ дахь МАН-ын бүлэг хоорондоо талцаж, хоёр өөр зарчмын байр суурьт ойр ойрхон явсаар ирсэн. Үүний улмаас нийгэмд МАН хоёр хуваагдсан гэх ойлголт ч бий болсон.