Г.Занданшатарын тэргүүлсэн Засгийн газар Монгол Улсыг 2026-2030 онд хөгжүүлэх таван жилийн үндсэн чиглэлийг УИХ-д өргөн барьж, хэлэлцүүлж байна. Энэ баримт бичгийг баталснаар Монгол Улсыг ирэх 5 жилд хэрхэн хөгжүүлэх, ямар төсөл хөтөлбөрүүд хэрэгжүүлэх нь тодорхой болно гэсэн үг. 100 хувь хэрэгжүүлж чадвал Монгол Улс хөгжлийн шинэ шатанд гарна.

Манай улс Хөгжлийн бодлого, төлөвлөлтийн тухай хуулийг 2020 онд баталснаар анх удаа Монгол Улсын хөгжлүүлэх таван жилийн үндсэн чиглэлийг баталсан. Өмнөх үндсэн чиглэлийн баримт бичгийг У.Хүрэлсүхийн Засгийн газар өргөн барьж, Л.Оюун-Эрдэнийн Засгийн газар хэрэгжүүлсэн. Гэхдээ хэрэгжилт хангалтгүй, үр дүнд хүрээгүй гэж хэлж болно. Тус баримт бичигт Үндэсний аудитын газар тайлан гаргасан ч хэрэгжилтийг 67.7 хувь гэж дүгнэжээ. Гэхдээ “Монгол Улсыг 2021-2025 онд хөгжүүлэх таван жилийн үндсэн чиглэл”-ийн төслийг хуульд заасан шаардлагын дагуу боловсруулсан баримт материал ЗГХЭГ-т байхгүй байж. Мөн хөгжлийн бодлого, төлөвлөлтийн баримт бичиг боловсруулахад оролцож буй байгууллагууд ажлын уялдаагүй, хариуцлагагүй, чиг үүргээ бүрэн хэрэгжүүлдэггүй байна. Энэ нь хөгжлийн бодлого, төлөвлөлтийн баримт бичиг хууль тогтоомжид заасан шаардлагад нийцээгүйгээс хэрэгжилт нь бүрэн хангагдах боломжгүй нөхцөлд хүргэсэн гэж аудит дүгнэсэн байна.

Аудитын тайланд: