Хууль зүй, дотоод хэргийн сайд Б.Энхбаяр өөрийн цахим хуудсаараа дамжуулан Соёлын сайд асан Ч.Номинтой холбоотой баримт дэлгэлээ. Үүгээр зогсохгүй Монгол Улсын олон улс дахь сурталчилгаа, мэдээллийн үндэсний хороог Ерөнхий сайд асан Л.Оюун-Эрдэнэ байгуулсныг онцолжээ. Ингэхдээ “Ч.Номин сайдын 2024 оны 30-ны өдрийн тогтоолд "Тамгагүй төр" жүжгийг олон улсад тоглуулахад дэмжлэг үзүүлнэ гээд баталчихсан. Энэ Үндэсний хороог Л.Оюун-Эрдэнэ байгуулсан” гэв.

Түүнчлэн, тэрээр "Хэро Б.Баатар гэдэг нөхөр иргэн Э, Г нарт захиалга өгч Засгийн газрын эсрэг зохион байгуулалттай сошиал контент хийсэн ажил шалгагдаж байна. Иргэн Г нь гадагшаа зугтсан бол Э нь цагдан хоригдсон. Би энэ талаар ирэх даваа гарагт хэвлэлийн хурал хийж мэдээлэл өгнө" гэдгээ мэдэгдсэн юм.

Харин Ерөнхий сайд асан Л.Оюун-Эрдэнэ арваннэгдүгээр сарын 5-нд сэтгүүлчдэд мэдээлэл өгөх үеэрээ “Монгол хаан жүжгийн уран бүтээлчид рүү их дайралт ирж байна. Улс төрөө, урлаг соёлоос ялгаж салгаач ээ. Уран бүтээлчдийн урам зоригийг нь битгий мохоогооч ээ гэж гуймаар байна. Би “Монгол хан”-д нэмэр болж байсан зүйл үгүй. Харин гай л болж явсан. Тиймээс жүжгийн баг хамт олноос уучлалт гуйж байна. Төсвийн мөнгөөр нэг ч удаа гадагш явж байгаагүй” гэсэн юм.