Цаг уур, орчны шинжилгээний газар мэдээлснээр өнөөдөр буюу арваннэгдүгээр сарын 6-аас нутгийн баруун өмнөд хэсгээр, 7-нд төв, говь болон зүүн аймгуудын нутгаар их цасны аюултай үзэгдлийн хэмжээнд орохоор байна.

7-8-ны шилжих үед зүүн аймгуудын нутаг, төвийн нутгийнхаа зүүн хэсгээр цасан шуурга шуурах төлөвтэй байна.

Нарийвчилбал,

• Баянхонгор аймгийн зүүн хэсгээр 5 мм-ээс дээш буюу аюултай хэмжээнд,
• Өвөрхангай аймгийн нутаг, Архангайн зүүн хэсэг, Булганы өмнөд, Төв аймгийн баруун хэсгээр 10 мм-ээс дээш буюу их цасны гамшигт үзэгдлийн хэмжээнд хүрэх төлөвтэй байна.

Мөн 7-ны өдөр төв аймгийн зүүн хэсэг болон Хэнтийн нутгаар их хэмжээний нойтон цас орох аж.

Иймд иргэд, малчид, тээвэрчдийг цаг агаарын аюулт үзэгдэлд бэлтгэлтэй байж, замын хөдөлгөөнд болгоомжтой оролцох, малаа бэлчээрт холдуулахгүй байхыг анхааруулж байна

Эх сурвалж: Цаг уур, орчны шинжилгээний газар

Бэлтгэсэн: С. Марта