Монгол Улсын Ерөнхий сайд Г.Занданшатарыг огцруулах тухай УИХ-ын 95 дугаар тогтоол болон УИХ-ын дэд дарга Х.Булгантуяагийн үйл ажиллагаа Үндсэн хууль зөрчсөн эсэх асуудлаар Үндсэн хуулийн цэц их суудлын хуралдаанаар хянан хэлэлцээд, Үндсэн хуулийн 1-р зүйл, 43-р зүйл, 70-р зүйлийг тус тус зөрчсөн гэж дүгнэлээ.
Цэцийн уг шийдвэрийн дагуу Ерөнхий сайд Г.Занданшатарыг огцруулах тухай тогтоол болон УИХ-ын дэд дарга Х.Булгантуяа нарт ямар арга хэмжээ авах вэ гэдэг асуулт гарч байна.
Юуны өмнө иргэдийн дунд үүсээд буй буруу ойлголтыг залруулахад, Монгол Улсын Үндсэн хуулийн цэц нь аливаа хууль, эрх зүйн акт болон Үндсэн хуулийн субъектууд Үндсэн хууль зөрчсөн эсэхийг хянан шийдвэрлэдэг байгууллага билээ.
Цэц нь өөрийн санаачилгаар маргаан үүсгэдэггүй бөгөөд хэн нэгнийг ялладаг байгууллага биш юм.
Ерөнхий сайд Г.Занданшатарыг огцруулах тогтоол
Монгол Улсын Үндсэн хуулийн 66 дугаар зүйл, Монгол Улсын Үндсэн хуулийн цэцийн тухай хуулийн 8 дугаар зүйл, Монгол Улсын Их Хурлын чуулганы хуралдааны дэгийн тухай хуулийн 84 дүгээр зүйл
УИХ-ын дэд дарга Х.Булгантуяагийн үйл ажиллагаа
Монгол Улсын Үндсэн хуулийн 29 дүгээр зүйл, 66 дугаар зүйл, Монгол Улсын Их Хурлын тухай хуулийн 9 дүгээр зүйлийн 3 дахь хэсэг, Монгол Улсын Их Хурлын чуулганы хуралдааны дэгийн тухай хуулийн 85 дугаар зүйл
Түүнчлэн Цэцийн шийдвэрээр Х.Булгантуяа тэргүүтэй гишүүд Эрүүгийн хуулийн 19.2 дугаар зүйлд заасан "Төрийн эрх мэдлийг хууль бусаар авах, саатуулах" гэмт хэрэгт холбогдоно гэх ташаа мэдээлэл цахим орчинд газар авчээ. Юуны өмнө гишүүд энэ гэмт хэрэгт холбогдох эсэхийг зөвхөн шүүх холбогдох хуулийн дагуу шийдвэрлэнэ.
Монгол Улсын Үндсэн хууль болон Эрүүгийн хуульд заасны дагуу гэм буруутай нь хуулийн дагуу шүүхээр нотлогдох хүртэл хэнийг ч гэмт хэрэг үйлдсэн гэм буруутайд тооцож болохгүй.
