З.Цогтгэрэл: Маргалдагч хоёр тал хэзээ зөвшилцөлд хүрч, нэмэлт хэлэлцээр хийнэ тэр үед л ажил хаялт зогсоно

Монголын Боловсрол шинжлэх ухааны үйлдвэрчний эвлэлээс багш нарын ажил хаялтын талаар мэдээлэл өглөө.

Монголын Боловсол шинжлэх ухааны үйлдвэрчний эвлэлийн холбооны дарга З.Цогтгэрэл: Монголын нийт багш ажилчдын хөдөлмөрийн хөлсийг жил бүр 30-аас доошгүй хувиар нэмэгдүүлэх, үүнтэй холбоотой асуудлыг жил бүрийн улсын төсөвт тусгуулна гэх заалт бий. 2026 оны төсөвт багш ажилчдын цалинг 3.5 сая болгон нэмэгдүүлэх тухай бид бүхний тэмцэл хөдөлгөөн өнөөдрийг хүртэл үргэлжилж байна.

Бид юуны өмнө Боловсролын яамтай харилцаж гурван удаа бичиг явуулсан. Гэвч бидэнд тодорхой хариу өгч, арга хэмжээ аваагүй. Тийнхүү бид бүхний дараагийн үйл ажиллагаа болох бүлгийн дарга нарын хурлыг хийж, багш нарын нөхцөл байдлын талаар танилцуулсан уулзалт болсон. 2026 оныг боловсролыг дэмжих жил болгон зарласан тул цалин хөлсний асуудлыг ярихгүй бол болохгүй нь гэсэн гол үндсэн шаардлага бий. Багш ажилчдын цалинг нэмэх тухай ажлын хэсэг байгуулагдсан ч тэдний дүгнэлтээр багшийн үндсэн цалин өөрчлөгдөхгүй гэсэн. Бид бүхний хүсэл шаардлага огт хангагдаагүй юм. Энэ бүхний дараагаас жагсаал цуглаан эхэлсэн. Жагсаалаар бид бүхэн шаардлагаа хүргүүлсэн юм. Аравдугаар сарын 5-нд шаардлагын хариу ирэх байсан боловч УИХ, Засгийн газар, Ерөнхий сайдад өгсөн шаардлагуудын хариу ирээгүй бөгөөд нааштай шийдвэр гараагүй.

Таван өдрийн турш 5000 гаруй багш талбай дээр сууж, өөрсдийн үзэл бодлоо илэрхийлсэн.

Зуучлалын шат үр дүнд хүрээгүй тул бид дараагийн шат болох ажил хаялт руу шилжиж байна. Ажил хаялт аравдугаар сарын 9-нд албан ёсоор тооцогдож эхэлсэн. Бид ажлын таваас доошгүй хоногийн өмнө ажил хаялт хийхээ хуулийн дагуу зарласан.

Жагсаалын үеэр Ерөнхий сайд, Сангийн сайд, Боловсролын сайд гурав багш нарын төлөөлөлтэй уулзаж ярилцсан. Энэ уулзалтаар төсвийн эхний хэлэлцүүлгээр багшийн цалинг төсөвт суулгах боломжгүй харин хоёрдугаар хэлэлцүүлгээр үндсэн цалингийн хэмжээг өөрчлөх тухай ярилцах боломжтой гэсэн юм. Ямар нэгэн тохиролцсон зүйл огт байгаагүй. Гэтэл тохиролцсон байтал ажил хаяна гэсэн мэтээр биднийг гүтгэсэн мэдээлэл хүргэж байна. Мөн багш нарын ажил хаялтыг тун хариуцлагагүй үйлдэл гэж үзэж байна гэсэн. Бид нэг талыг огт бариагүй. Бидний энэ асуудлыг улстөржлөө гэж байна. Бид улстөржсөн зүйл байхгүй юм.

Багш нарын ажил хаялтыг хууль бус гэдгийг Боловсролын сайд биш шүүх нотолно.

Нийслэлийн хэмжээнд 78 сургууль, 160 гаруй цэцэрлэг ажил хаялтад нэгдэж аравдугаар сарын 16-наас ажил хаялтад нэгдэхээр хүсэлтээ ирүүлсэн. Орон даяар бусад сургууль цэцэрлэгүүд ч нэгдэж, нэмэгдсээр байх болно. Багш нарыг хууль зөрчиж байна гэж байна. Гэвч төр өөрөө хуулиа зөрчсөн. Маргалдагч хоёр тал хэзээ зөвшилцөлд хүрч, нэмэлт хэлэлцээр хийнэ тэр үед л ажил хаялт зогсох юм.

З.Цогтгэрэл: Маргалдагч хоёр тал хэзээ зөвшилцөлд хүрч, нэмэлт хэлэлцээр хийнэ тэр үед л ажил хаялт зогсоно

Анализ

Зочин

Дэлхийн монгол

CEO

Чадлаа

Гудамж

Хөндөх сэдэв

Exclusive

Ерөнхийлөгч

Парламент

Засгийн газар

Улс төрийн намууд

Шүүх

Төсөв

Мега төсөл

Банк, санхүү

Үл хөдлөх

Үнэ ханш

Эрүүл монгол

Боловсрол

Үйл явдал

Спорт

Сэтгэл зүйн зөвлөгөө

Бүтээгч

Нийслэл

Таны сонорт

Эрүүл мэнд

Тэд бидний тухай

Халуун цэг