УИХ-ын Төсвийн байнгын хорооны өнөөдрийн хуралдаанаар дараах дөрвөн асуудлыг хэлэлцлээ. "Алт-3" аяныг хэрэгжүүлэх зарим арга хэмжээний тухай УИХ-ын 2025 оны 85-р тогтоолд хэсэгчлэн тавьсан Монгол Улсын Ерөнхийлөгчийн хоригийг хүлээж авахыг дэмжлээ. УИХ-ын гишүүн Б.Пүрэвдорж нарын 4 гишүүн 2025.06.19-ний өдөр өргөн мэдүүлсэн Онцгой албан татварын тухай хуульд нэмэлт өөрчлөлт оруулах тухай хуулийн төслийг хэлэлцэхийг дэмжлээ. Монгол Улсын 2025 оны төсвийн тухай хууль батлагдсантай холбогдуулан авах зарим арга хэмжээний тухай УИХ-ын 2024 оны 54-р тогтоолын хэрэгжилтийн талаарх Сангийн сайдын мэдээллийг сонслоо. "Засгийн газарт чиглэл өгөх тухай" УИХ-ын 2024 оны 52-р тогтоолын хэрэгжилтийн талаарх Монгол Улсын Тэргүүн Шадар сайд бөгөөд Эдийн засаг, хөгжлийн сайд болон Сангийн сайдын мэдээллийг тус тус сонслоо.
