Их Британийн Ливерпүүл хотноо Боксын дэлхийн аварга шалгаруулах тэмцээн үргэлжилж байна. Тус тэмцээний эрэгтэйчүүдийн 51 кг-ын Жинд “Алдар” спорт хорооны тамирчин Алдархишигийн Баттулга медалийн төлөө Испани улсын тамирчин Молино Салвадорийг ялж, хүрэл медалийн болзол хангалаа.

Тэрээр өнөөдөр орой мөнгөн медалийн төлөө Японы тамирчинтай тулалдана.

Мөн тэмцээний эмэгтэйчүүдийн 48 кг-ын жинд ДАШТ-ий Мөнгөн Медальт, ОБЕГ Харьяа “Аврагч” спорт хорооны тамирчин Л.Алтанцэцэг медалийн төлөө Японы Хикару Шинохараг ялж, хүрэл медалийн болзол хангаад байна. Л.Алтанцэцэг Энэтхэгийн тамирчинтай мөнгөн медалийн төлөө тулалдах юм.