Зуны дулаахан өдрүүдэд баяртай гэж хэлэх цаг нь болжээ. Гэхдээ намар цаг налайж, их хотын завгүй хэмнэл дунд түр амсхийх сонирхолтой арга хэмжээнүүдээр дайраад гарахад буруудахгүй болов уу. Түүний нэг нь жил бүр уламжлал ёсоор зохиогддог “Korea Week”. Энэ жилийн хувьд тус арга хэмжээг тохиолдуулан БНСУ-ын Аялал Жуулчлалын Төрийн өмчит корпорацийн KTO Улаанбаатар төлөөлөгчийн газар та бүхэнд K-WAVE CONCERT-ийг бэлэг болгон барьж буйгаараа онцлог.
Бидний мэдэх “Goblin” киноны дуугаараа танигдсан Солонгосын алдарт дуучин PUNCH тун удахгүй үзэгчид, фэнүүдтэйгээ уулзах нь.
Punch-ийн алдартай бүтээлүүд,
Stay With me /Goblin киноны дуу/ –541 сая үзэлт
Say Yes /Moon Lovers: Scarlet Heart Ryeo киноны дуу / –330 сая үзэлт
Everytime /Descendants of the Sun киноны дуу/ –333 сая үзэлт
Хайр, догдлол, бас хөнгөн гунигийг ч мэдрүүлэх Солонгосын олон ангит киноны дууны хатан “K-Drama OST Queen” PUNCH Монголд анх удаа ирэх гэж байгаа юм. Мөн түүнтэй хамт нэгэн тайзнаа залуусын сэтгэлд хоногшсон дуучин Чойжоо буюу Б.Чойжилсүрэн намрын жиндүү оройг бүлээцүүлэх нь.
Хөнгөхөн гунигтай тэгсэн хэрнээ эмх замбараагүй бодол тээж санааширлыг сарниулдаг Чойжоогийн,
“…Энэ борооны дараа солонго чи гарах уу
Хүрч амжаагүй байтал дахин замхран одох уу
Заавал чамайг бараан, бараан үүлэн дундаас хайх уу
Хүрч чадахгүй тийм нэг мөрөөдлийг минь чи мэдэх үү…” Энэ дууг сонсоод хүрч чадаагүй хэн нэгнийхээ тухай бодолд автаагүй хүн хэдий олон бол. Түүний намуухан, дотор орших хүрч боломгүй солонго татах эгшигт магадгүй PUNCH-ийн гэгээн хайр, догдлолыг мэдрүүлсэн дуунууд зүрхийг булгилуулна.
📍 Байршил: Сүхбаатарын талбай
/Тоглолт зөвхөн ГАНЦХАН удаа ҮНЭ ТӨЛБӨРГҮЙ/
