Өнгөрсөн долоодугаар сарын эхээр Засгийн газар ЭТТ ХК-д онцгой дэглэм тогтоож, бүрэн эрхт төлөөлөгч томилж, ажиллуулж буй. Эрдэнэс Тавантолгой ХК-ийн БЭТ У.Бямбасүрэн өнөөдрийн Засгийн газрын хуралдааны дараа сарын үр дүнгийн талаар мэдээлэл өглөө.БЭТ У.Бямбасүрэн: Онцгой дэглэм тогтоосон үе буюу 2025 оны эхний хагас жилийн үндсэн гол үзүүлэлтүүдийг өнгөрсөн оны мөн үетэй харьцуулахад 19-61 хувиар буурсан байдалтай байна. Өнгөрсөн жилийн эхний хагаст 17.1 сая тонн олборлож байсан бол энэ жилийн хагас жилийн дүнгээр 13.8 сая тонн нүүрс олборлосон. Борлуулалтын хэмжээ өнгөрсөн жилийн хагаст 16.8 байсан бол энэ жилийн хагаст 10.2 сая тонны борлуулалттай байна. Экспортын хэмжээ өнгөрсөн жил 16.5 байсан бол энэ жил 12 сая тонн болсон. Орлогын үзүүлэлт бол 2024 оны эхний хагас жилийн дүнгээр 1.8 тэрбум доллар байсан бол энэ жилийн хагаст 710 сая доллар болж буурсан. Ийм үзүүлэлттэй байхад нь онцгой дэглэм тогтоосон. Онцгой дэглэм тогтоосон энэ хугацаанд гадаад талд БНХАУ-ын Ганц мод боомт дахь нүүрсний үнэ өсөж, наймдугаар сарын 10-ны байдлаар мянга орчим юань болсон. Гадаад зах зээлийн таатай нөхцөл байдлыг Засгийн газраас томилогдсон онцгой бүрэн эрхт төлөөлөгчийн баг аль болох соргогоор ашиглаж ажиллаж байна. Хамгийн гол нь биржийн борлуулалт нэмэгдлээ. 2025 оны эхний хагас жилд нийтдээ 85 арилжаа зохион байгуулсны 20 нь л амжилттай болсон. Энэ 20 арилжааны үр дүнд 1.3 сая тонн нүүрс зарж, 95.5 сая доллар олсон. Долоодугаар сарын 1-ээс наймдугаар сарын 11-ийг дуустал зохион байгуулсан 29 арилжааны 23 нь амжилттай болж 382 мянган тонн нүүрс борлуулж, 80.3 сая долларын арилжаа хийсэн. Өнөөдөр наймдугаар сарын 13-ны өдөр Монголын Хөрөнгийн бирж дээр Эрдэнэс тавантолгой ХК амжилттай гурван арилжаа зохион байгууллаа. Тодруулбал, 64 мянган тонн эрчим хүчний нүүрс, 512 мянган тонн гуравны нэг коксжих нүүрс, 19 мянга 200 тонн баяжуулсан коксжих нүүрсийг хөрөнгийн биржээр дамжуулан гурван арилжаагаар борлуулсан. Ингэснээр 43.6 сая долларын орлого буюу онцгой дэглэм тогтоосон хугацаанд олсон орлогын талыг зөвхөн өнөөдөр олсон. Өнгөрсөн долоодугаар сар сая 24 мянган тонн нүүрс зөвхөн биржээр борлуулснаар 63.2 сая доллар олсон. Нүүрс тээвэрлэлт, борлуулалт, биржийн арилжааны зохион байгуулалтыг сайжруулсны үр дүнд долоодугаар сард сард:
