“Эрдэнэс Тавантолгой” ХК-ийн нүүрсийг нууц гэрээгээр “шууд” зарах хуулийн гарц хайж эхэлсэн гэх мэдээлэл гарсантай холбогдуулж тус компаниас мэдээлэл хийв.

Эрдэнэс Тавантолгой компанийн борлуулалт маркетинг тээврийн газрын дарга О.Цэрэндондог: Эрдэнэс Тавантолгой нь төрийн өмчийн компанийн хувьд Уул уурхайн бүтээгдэхүүний биржийн тухай хуульд заасны дагуу зөвхөн биржээр нүүрсээ арилжаалдаг байгаа. 2023 оны хоёрдугаар сараас хойш зөвхөн биржээр арилжаалсан. Зөвхөн Гашуунсухайт-Ганц модны хил холболтын төмөр замын бүтээн байгуулалттай холбоотойгоор "China Energy" групптэй 2025 оны тавдугаар сарын 14-ний өдөр нүүрс худалдаалах урт хугацаат гэрээг байгуулсан. Үүнд уул уурхайн бүтээгдэхүүний биржийн тухай хуулийн 10.3 дахь заалтын дагуу хийгдсэн гэрээ байгаа. Бусад тохиолдолд зөвхөн биржээр борлуулж байгааг хариуцлагатайгаар мэдэгдье.

-Тухайн мэдээлэл хаанаас, ямар шалтгаантай гарсан талаар мэдээлэл байна уу?

-Иймэрхүү хууль сахиулах байгууллагиудад залилангийн шинж чанартай асуудлууд шалгагддаг гэж ойлгосон. Манай компанийн тухайд бол зөвхөн биржээр арилжаална гэдгээ худалдан авагч компаниудад илэрхийлдэг. Манай компаний зүгээс ийм мэдээлэл гарсан гэж үзэхгүй байна.