Ардын жүжигчин Э.Амартүвшин дэлхийн шилдэг баритон дуучдын жагсаалтыг 7500 оноотойгоор тэргүүлж олон улсын нэр хүндтэй дуурийн уран бүтээлчдийг ардаа орхижээ.

Энэхүү оноо нь 52 долоо хоногийн хугацаанд хийсэн тоглолтын чанар, тоо, дэлхийн нэр хүндтэй театрын тайзнаа тоглосон эсэх, бүтээсэн дүрийн ур чадвар, дуулах техник, хоолойн цар хүрээ, олон улсын тэмцээнүүд дэх амжилт зэрэг мэргэжлийн нарийн шалгуурыг үндэслэдэг аж.

Э.Амартүвшин нь Веронагийн алдарт Arena di Verona Opera Festival-ын тайзнаа Набукко болон Жоржио Жермон гэх хоёр гол дүрд дуулан  олон улсын тайзнаа Монголын нэрийг цуурайтуулж яваа юм.