МСБХ-ны Үндэсний дээд лигийн 2024-2025 улирлын аварга, Зүүн Азийн аварга, Азийн аваргуудын лигийн хүрэл медальт “Хасын Хүлэгүүд” багийн ерөнхий дасгалжуулагчаар Thanasis Skourtopoulos хэмээх эрхэм ажиллахаар болжээ.

Түүний хувьд Европын сагсан бөмбөгийн нэрт мэргэжилтэн, Грекийн үндэсний шигшээ багийг удирдаж байсан туршлагатай ахлах дасгалжуулагч аж.

Тэрээр 2019 оны ДАШТ-нд Грекийн багийг удирдаж, тухайн үед NBA-ын тэр жилийн “MVP” Янис Антетокумнмпогийн тоглолтыг чиглүүлж байжээ. Мөн AEK Athens, Peristeri, Panionios зэрэг Грекийн дээд лигийн олон багт ахлах дасгалжуулагчаар ажиллаж байсан байна.

Хамгийн сүүлд QATAR-ын шигшээ багийн ахлах дасгалжуулагч, Польшийн дээд лигийн “Astoria Bydgoszcz” багийн ерөнхий дасгалжуулагчаар ажилласан.