УИХ дахь АН-ын бүлгээс хаврын чуулган хааж байгаатай холбоотойгоор, дүгнэж мэдээлэл хийлээ. Хэвлэлийн хуралд УИХ дахь АН-ын бүлгийн дарга О.Цогтгэрэл, дэд дарга Х.Тэмүүжин, Ч.Лодойсамбуу, Б.Жаргалан нар оролцлоо.

Энэ хаврын чуулганд УИХ дахь АН-ын бүлэг 21 удаа хуралдаж, 62 асуудал хэлэлцжээ. Бүлгийн гишүүд 20 хуулийн төсөл дээр ажиллаж, 13 хуулийн төсөл өргөн барьж, 5 хуулийг батлуулжээ.

АН-ын бүлгийн дарга О.Цогтгэрэл: Ерөнхий сайдын мэдээллийн цагийг өөрчилж, УИХ өөрийнхөө хүссэн асуултыг асууж болох хуулийн өөрчлөлтийг хийсэн. Мөн УИХ-ын хяналт шалгалтын тухай хуульд өөрчлөлт оруулж хяналтын түр хороог цөөнхөөс даргалахаар болсон. Намрын чуулганаас эдгээр хуулиуд хэрэгжиж эхэлнэ. Тиймээс намрын чуулганаар нэлээд хэдэн асуудлаар хяналтын сонсгол зохион байгуулахаар гарын үсэг цуглуулж эхэлсэн. Тухайлбал, уул уурхайн лиценз олголт, ковидын 10 их наядын хулгай, утаагүй түлш гэх мэт асуудлуудад ажиллаж эхэлж байна.

Энэ хаврын чуулганаар АН Засгийн газраас гарч, сөрөг хүчний байр суурь дээрээ ирлээ.

УИХ-ын гишүүн Х.Тэмүүжин