UBCab Holding-ийн уламжлалт “UBCab Family” арга хэмжээ 2025 оны тавдугаар сарын 24-ний Бямба гарагт UBCab төв оффисын гаднах талбайд амжилттай зохион байгуулагдлаа. Энэ удаагийн өдөрлөг нь жолооч нар болон тэдний гэр бүлийг хамарсан, бүтээлч, оролцоог дэмжсэн арга хэмжээ болж өндөрлөв.

Жолооч нарын ажлын нөхцөлийг сайжруулах, үйлчилгээний стандартыг хангах, мөн жолооч нарт эрүүл мэнддээ анхаарахад нь дэмжлэг үзүүлэх зорилгоор тус арга хэмжээнд UBCab-ийн 7 охин компани болон 12 хамтрагч байгууллага оролцжээ.

Тэд автомашины сэлбэг, нэмэлт хэрэгсэл, бүтээгдэхүүнүүдийг зөвхөн UBCab-ын жолооч нарт зориулсан хөнгөлөлттэй үнээр санал болгож, эрүүл мэндийн байгууллагууд жолооч нарт зориулсан үзлэг, оношилгооны багц үйлчилгээг танилцуулж, эрүүл мэндийн зөвлөгөө өгч ажилласан байна.

Өдөрлөгт нийт 400 орчим жолооч гэр бүлийнхний хамт оролцож, дээр дурдсан хөтөлбөрөөс гадна гэр бүлийн гишүүдэд зориулсан олон төрлийн хөгжөөнт уралдаан тэмцээнд оролцож, Kids Zone хэсгээр зочлон, UBCab жолоочийн хэтэвчээрээ дамжуулан 90% хүртэлх хөнгөлөлттэй бараа, үйлчилгээг авч нэгэн өдрийг үр бүтээлтэй бөгөөд зугаатай өнгөрүүллээ.