Боловсролын сайд П.Наранбаяр гадаад, дотоод сургалтын тэтгэлэг буюу Боловсролын зээлийн сангийн талаар мэдээлэл хийлээ. Хэвлэлийн хуралд БЗС-ийн захирал О.Сийлэгмаа оролцож мэдээлэл өглөө.

Засгийн газраас “Дээл боловсролын сургалтын байгууллагын суралцагчдад тэтгэлэг, зээл, буцалтгүй тусламж олгох дэмжлэг үзүүлэх зээлийг эргэн төлүүлэх журам”-ыг баталсан. Журамд:

• Баклаврын түвшинд дэлхийн шилдэг их дээд сургуульд суралцах зээлийн хугацааг өөрчилсөн. Хуучин 4-5 жилд олгодог байсан бол 2026 оноос шинэ журам хэрэгжих бөгөөд 2+2 хөтөлбөрөөр хэрэгжих юм. Хоёр жил нь эх орондоо, хоёр жил нь өөрийнхөө сурахыг хүссэн сургуульд сурсан иргэдэд олгоно.

• Малчны нэг хүүхдийг үнэ төлбөргүй сургана. 10-аас дээш жил малчин хийсэн нэг хүүхдэд боловсролын зээл олгоно.
• Нэг гэр бүлийн нэг хүүхдийг үнэгүй сургана гэсэн хуучин заалтыг авсан.
• Магистар, докторын түвшний сургалтад илүү дэмжлэг үзүүлнэ. 
• Буцаан төлөлт дээр уян хатан заалт оруулсан. 20 жилийн хугацаанд буцаан төлнө.
• Гадаадад суралцагсдын сонгон шалгаруулалтыг цахимаар хийнэ.

Боловсролын сайд П.Наранбаяр “Ерөнхийлөгчийн Илгээлтийн эзэн” хөтөлбөр хуучин журмаараа явна. 500 хүртэлх хүүхдийг нэг жилд сургана.

Мөн төрийн албан хаагчдыг сургана. Үүн дотор багш нар орж байгаа. Багш нар төрийн үйлчилгээний албанд харьяалагддаг. Богино хугацаанд хэлний мэдлэгээ дээшлүүлэх, магистр, докторын сургалтад гаднын сургуулиудад сурах боломжтой.

33 тэрбум төгрөгийн зээлийг төлүүлэхээр байгаа. Энэ мөнгийг төлүүлснээр дараагийн хүмүүст сургах боломжийг бий болгоно. ” гэсэн юм.