АНУ-ын Даллас хотноо зохион байгуулагдаж буй “Intel Extreme Masters (IEM) Dallas 2025” тэмцээний хүрээнд Монголын The MongolZ баг Европын шилдэг багуудын нэг болох Team Vitality-тай хэсгийн дээд шатны финалд тулж, 1:2 харьцаатай ялагдал хүлээлээ.

The MongolZ өөрсдийн сонгосон “Inferno map” дээр эхний хагасыг 4:8 харьцаатайгаар дуусгаж, хоёрдугаар хагасд 6 раунд авч, нийт 10:13 харьцаатайгаар ялагдсан. Харин эсрэг багийн сонгосон “Nuke  map” The MongolZ баг хүчтэй тоглолт үзүүлж, 13:7 харьцаатайгаар ялалт байгуулсан юм. Шийдвэрлэх “Mirage map” дээр эхний хагас 7:5 харьцаатай The MongolZ-ийн давуу байдалтайгаар өндөрлөсөн ч, хоёрдугаар хагасд Vitality баг 8 раунд авч, нийт 13:11 харьцаатайгаар ялалт байгуулсан.

Энэхүү тоглолтын үр дүнд Team Vitality баг шууд хагас шигшээд шалгарсан бол The MongolZ баг шөвгийн 8-д өрсөлдөх эрхээ авсан.