Цахим спортын CS2 төрлийн Америкийн Даллас хотноо болж байгаа “IEM Dallas 2025” тэмцээний тоглолтууд үргэлжилсээр байна.

Өнөөдөр “The MongolZ” баг тус тэмцээний хоёр дахь тоглолтондоо “G2 Esports” багтай учраа тааран 2-0 харьцаатай хожиж, плэй-оффт шалгарлаа. “The MongolZ” өөрсдийн сонгосон "Inferno map" дээр 13:4 харьцаатай хожсон бол эсрэг багийн сонгосон “Dust II map” дээр 13:7-оор тоглолтоо ялалтаар дуусгасан юм. Плэй-оффын байраа баталгаажуулсан хэдий ч A хэсгийн нэгдүгээр байрын төлөө Францын "Team Vitality" багтай маргааш өглөө 07:00 цагт тоглож шийднэ.

Нийт 1,000,000 ам.долларын шагналын сантай энэхүү тэмцээнд манай улсын “The MongolZ” баг Азийн чансааны оноогоороо уригдан оролцож байна.