Хятад дэлхийн хамгийн өндөр далан бүхий усан цахилгаан станцыг барьж байна

Хятадын баруун өмнөд Сычуань мужид баригдаж буй Шуанжянкоу усан цахилгаан станц тавдугаар сарын 1-ээс ус хадгалах ажлаа эхлүүлжээ. Уг далан бүрэн дуусахад 315 метр өндөртэй болж, дэлхийн хамгийн өндөр далан болох юм.

Төслийн өртөг нь 36 тэрбум юань (ойролцоогоор 4.9 тэрбум ам.доллар) бөгөөд цахилгаан үйлдвэрлэл, үерийн хамгаалалтад зориулагджээ. Барилгын ажил 2015 онд эхэлсэн ба анхны блок нь 2025 оны сүүлчээр цахилгаан үйлдвэрлэж эхлэх төлөвтэй байгаа аж.

Тус цахилгаан станц жилд 7 тэрбум киловатт-цаг эрчим хүч үйлдвэрлэх хүчин чадалтай. Нэг ёсондоо 3 сая гаруй өрхийн цахилгааны хэрэгцээг хангах хэмжээ гэсэн үг. Мөн нүүрсний хэрэглээг жилд 2.96 сая тонноор бууруулж, 7.18 сая тонн CO₂-ын ялгарлыг багасгана гэж албаныхан онцолж байна.

Тайлбар: Далангийн баригдаж буй бодит зураг

Даланг Төвөдийн өндөрлөгт, төвөгтэй геологийн нөхцөлд барьж байгаа тул ихээхэн инженерийн бэрхшээл тулгарчээ. Эдгээрийг шийдэхийн тулд робот, 5G технологи, дрон зэрэг орчин үеийн дэвшилтэт технологи ашиглаж байгаа аж.

Хятад улс 1950 оноос хойш дэлхийн хамгийн олон, өндөр далангуудыг барьсан. Гэвч шүүмжлэгчид эдгээр далан байгаль орчин, соёлын дурсгал, хүний амьдралд ихээхэн сөрөг нөлөө үзүүлсэн гэж үздэг. Шуанжянкоу төслийн хувьд байгаль орчны хамгаалалд зориулан ховор ургамлыг шилжүүлэн суулгах ботаникийн цэцэрлэг байгуулж байгаа юм.

Хятад дэлхийн хамгийн өндөр далан бүхий усан цахилгаан станцыг барьж байна

Анализ

Зочин

Дэлхийн монгол

CEO

Чадлаа

Гудамж

Хөндөх сэдэв

Exclusive

Ерөнхийлөгч

Парламент

Засгийн газар

Улс төрийн намууд

Шүүх

Төсөв

Мега төсөл

Банк, санхүү

Үл хөдлөх

Үнэ ханш

Эрүүл монгол

Боловсрол

Үйл явдал

Спорт

Сэтгэл зүйн зөвлөгөө

Бүтээгч

Нийслэл

Таны сонорт

Эрүүл мэнд

Тэд бидний тухай

Халуун цэг