УИХ-ын даргын захирамжаар 2007 оны 27 дугаар тогтоолын биелэлтэд санал дүгнэлт өгөх ажлын хэсэг байгуулжээ. Тус ажлын хэсгийг УИХ-ын гишүүн Мөнхтулга ахлах бөгөөд бүрэлдэхүүнд  УИХ-ын гишүүн Б.Жаргалан, М.Нарантуяанара, Х.Баасанжаргал, Р.Батболд, О.Батнайрамдал, Б.Бат-Эрдэнэ, Ш.Бямбасүрэн, Д.Пүрэвдаваа, Э.Болормаа багтсан байна.

Ажлын хэсэг ажиллах хүрээ хязгаар, хийх ажлынхаа талаар мэдээлэл өглөө. Хэвлэлийн хуралд Хууль зүй дотоод хэргийн сайд О.Алтангэрэл оролцлоо.

Хууль зүй дотоод хэргийн сайд О.Алтангэрэл "Ажлын хэсэг энэ хүрээнд Тавантолгойн орд газар тэр дундаа Ухаахудгийн орд газартай холбоотой гэрээ байгуулсан үйл явцад ажлын хэсэг дүгнэлт гаргасан. Урьдчилсан байдлаар Засгийн газраар дүгнэлт гаргуулаагүй, УИХ-аар шийдвэрлүүлээгүй Үндсэн хууль болоод бусад хууль тогтоомжийг зөрчсөн байна гэдэг дүгнэлт гаргаад дүгнэлтээ үндэслээд тогтоолын төсөл боловсруулаад УИХ-д хүргүүлсэн.

УИХ-ын даргын захирамжаар 2007 оны 27 дугаар тогтоолын биелэлтэд санал дүгнэлт өгөх ажлын хэсэг байгуулж байна. Засгийн газрын зүгээс УИХ-ын ажлын хэсгийг мэдээллээр хангана. Ажлын хэсэг бие даасан санал дүгнэлтээ гаргана.

2007 онд стратегийн орд гэж юу байх, ард түмэнд ирэх өгөөж юу байх вэ гэдэг түүхийн шийдвэрийг УИХ гаргаж байсан. Энэ шийдвэрийн биелэлтийг ярилцахгүй 18 жил өнгөрсөн. Энэ үйл явц 126 гишүүтэй парламентын үед хэлэлцэгдэх нь" гэлээ.

2007 онд 27 дугаар тогтоолын 4 дэх заалтаар эхний ээлжид дөрвөн орд газрыг УИХ-д өргөн мэдүүлэх үүргийг Засгийн газарт өгчээ.

1. Оюутолгойтой холбоотой төрийн эзэмшлийн хувь хэмжээний саналаа Засгийн газар 2008 онд өргөн мэдүүлээд УИХ-ын 40 дүгээр тогтоол гарсан.
2. Цагаансуварга ордын төрийн эзэмшлийн асуудлыг 2014 онд Засгийн газраас өргөн мэдүүлээд долдугаар сарын 54 дүгээр УИХ-ын тогтоолыг баталсан.

Дөрөвдэх заалтын дөрвөн ордын хоёр ордын төрийн эзэмшлийг тогтоосон бол Асгатын ордтой холбоотой заалт хэрэгжээгүй байна.