Хуванцрын задрах хугацаа урт байгаа нь дэлхий дахины тулгамдсан асуудал болоод байгаа билээ. Гэвч Хавайн их сургуулийн эрдэмтэд боломжит шийдлийг олсон байна. Судлаачид Оаху арлын эргэн тойронд полиуретан хуванцар иддэг нэг төрлийн мөөгөнцөр илрүүлжээ.

Мөөгөнцөр нь хуванцрыг дахин боловсруулж, байгалийг цэвэршүүлэх шинэлэг арга байж чадах эсэхийг судалж байна. Хямд, бат бөх, ашиг тустай байдгаас нь болж дэлхий дахин хуванцраас хамааралтай болсон ч задардаггүй нь асуудал болж байгаа юм. Харин нарны гэрэл, дулаан болон нөлөөнд автвал микропластик болж задардаг. Маноа дахь Хавайн Их Сургуулийн (UH) судлаачид далайн мөөгөнцөр нь хуурай газар болон усан дахь хуванцар хог хаягдлыг устгах шийдэл гэж үзэж байна. 2009 онд хийсэн судалгаагаар өдөр бүр найман сая хуванцар бохирдол далайд хаягддаг байна. Эдгээр хуванцруудын ихэнх нь фталат, бисфенол зэрэг хортой химийн бодис агуулдаг бөгөөд энэ нь далайн экосистемийг сүйтгэдэг байна.

Хүний эрүүл мэндэд эрсдэлтэй Хүний хэрэгцээнд зориулж барьсан гурван загас тутмын нэг нь хуванцар агуулж байдаг нь тогтоогдсон. Энэхүү судалгааг удирдаж байсан Ронжа Штайнбах “Одоогийн байдлаар далайн мөөгөнцрийн нэг хүрэхгүй хувь нь шинжлэх ухаанд мэдэгдэж байна, учир нь далай дахь мөөгөнцрийг маш цөөхөн хүн судалдаг. Далайгаас цуглуулсан мөөгөнцрийн 60 гаруй хувь нь хуванцар идэж, мөөгөнцөр болгон хувиргах чадвартай байсан” гэжээ.