Open iToim app
Дэлхий | 2 мин уншина

Юн Сук Ёлд бүх насаар нь хорих юм уу, цаазаар авах ял оноож магадгүй

Юн Сук Ёлд бүх насаар нь хорих юм уу, цаазаар авах ял оноож магадгүй
Хэрлэн ЗОРИГТБААТАР
+ Дагах
Нийтэлсэн 3 минутын өмнө
Өмнөд Солонгосын Ерөнхийлөгч асан Юн Сук Ёл дайны байдал зарласантай холбогдуулан Эрүүгийн хэргийн шүүх хуралдаан өчигдөр эхэлсэн билээ. Тэрээр шүүх хуралдааны үеэр онц байдал зарлаж, дайны гэмт хэрэг үйлдсэн гэдгээ няцаажээ.
Юн арванхоёрдугаар сарын 3-нд парламентад зэвсэгт цэргүүд байрлуулсаны улмаас хууль тогтоогчид импичмент зарлаж, бүрэн эрхийг нь түдгэлзүүлж, энэ сарын эхээр албан ёсоор албан тушаалаас нь  чөлөөлсөн. Тэрээр өнгөрсөн нэгдүгээр сард өөрт нь холбогдох эрүүгийн хэрэгт холбогдуулан баривчлагдсан Өмнөд Солонгосын анхны төрийн тэргүүн болсон ч дараа нь процессын үндэслэлээр суллагдсан юм.  Юн "Хэдхэн цаг үргэлжилсэн, Үндэсний ассамблейн тарах хүсэлтийг тэр даруйд нь хүлээн зөвшөөрсөн үйл явдлыг бослого гэж үзэх нь  хууль зүйн үндэслэлгүй” гэж шүүхэд мэдэгджээ. Прокурор Юныг "Бослого гаргахаар төлөвлөж байсан" гэж үзэж байна. Тэд Юн дайныг урьдчилан төлөвлөж, парламентад цэрэг оруулж, цонх хагалах, цахилгаан таслах тушаал өгсөн гэдгийг баримтаар нотлоод байгаа юм.
undefined

Урт шүүх хурал хүлээж байна

Мэргэжилтнүүдийн үзэж байгаагаар түүний эрүүгийн хэргийн шүүх хурал нэлээд удаан үргэлжлэх бололтой. Өмгөөлөгч Мин Кён Сич AFP агентлагт "Эхний шийдвэр наймдугаар сард гарах байх, гэхдээ энэ хэрэгт 70 мянга орчим хуудас нотлох баримт, олон тооны гэрч оролцож байгаа. Тиймээс шүүх шаардлагатай гэж үзвэл шүүх хурлыг сунгаж магадгүй" гэжээ. Тухайлбал, Ерөнхийлөгч асан Пак Гын Хэг 2016 оны арванхоёрдугаар сард огцруулахаар шийдвэрлэсэн боловч Дээд шүүх 2021 оны нэгдүгээр сар л гэхэд эцэслэн шийдвэрлэсэн юм. Хэрэв Юн гэм буруутай нь тогтоогдвол 1979 онд болсон төрийн эргэлтэд хоёр цэргийн удирдагч оролцсоны дараа бослого гаргасан хэрэгт буруутай нь тогтоогдсон Өмнөд Солонгосын гурав дахь Ерөнхийлөгч болох юм.  Эсэргүүцлийн хэргээр Юн бүх насаар нь хорих юм уу хамгийн дээд ял болох цаазаар авах ял оноож магадгүй юм. Гэхдээ энэ ялыг биелүүлэх магадлал маш бага. Өмнөд Солонгос 1997 оноос хойш цаазаар авах ялыг албан бусаар зогсоосон.
 
Хэрлэн ЗОРИГТБААТАР
+ Дагах
2023 оноос iToim.mn сайтад гадаад мэдээний орчуулагчаар ажиллаж байна.
Онцлох мэдээ
Сүүлд нэмэгдсэн
footerLogo
АНАЛИЗ АГЕНТЛАГ
iToim.mn мэдээллийн сайтын сэтгүүлчид нь сэтгүүлзүйн салбарт 3-20 жил ажилласан туршлагатай, хөндлөнгийн болон мэргэжлийн шинжээчдийн байр суурийг эх сурвалжаас нь тоймлож, үйл явдлын үнэн хийгээд учир шалтгааны дүгнэлтийг олон нийтэд хүргэдэг цахим сэтгүүлзүйн шинэ өнгө аясыг Монголдоо нутагшуулахыг зорилго болгон ажилладаг мэргэжлийн баг юм.
facebookicontwittericonyoutubeicon
Холбоо барих:
phoneIcon
7707-7758
emailIcon
info@itoim.mn
handshakeicon
Хамтран ажиллах
© 2024 Хөх Ах НҮТББ