Төв талбайн баруун талд байрших НЗДТГ-ын харьяа Захирагчийн Ажлын албаны гурван давхар барилга нь 1947 онд ашиглалтад орж, 2007 онд ашиглалтын хугацаа дууссан байна. Тэгвэл энэхүү барилгыг 300 өрөөтэй олон улсын зочид буудал болгохоор төлөвлөжээ.

Тодруулбал, Улаанбаатар хотыг хөгжүүлэх 24 мега төслийн жагсаалтад тус барилгыг олон улсын зочид буудлын зориулалтаар ашиглахаар баталжээ. Барилгын ТЭЗҮ-ийг 2025-2026 онд боловсруулж, бүтээн байгуулалтыг 2028 онд дуусгахаар төлөвлөсөн байна. Олон улсын зочид буудал төслийг төр, хувийн хэвшлийн түншлэлийн хүрээнд 20 сая ам.долларын хөрөнгө оруулалтаар санхүүжүүлнэ гэж тооцоолжээ.