Баянзүрх дүүргийн товчооны замд өчигдөр буюу дөрөвдүгээр сарын 7-ны өдөр зам тээврийн осол гарч 12 настай хүүхэд дайруулжээ.

Тодруулбал, Баянзүрх дүүргийн 11 дүгээр хороо Товчооны замд Приус 30 маркийн суудлын тээврийн хэрэгсэл, явган хүний гарцаар гарч байсан бага насны хүүхдийг мөргөсөн байна. Уг хэрэгт Тээврийн цагдаагийн албаны Мөрдөн шалгах хэлтсээс шалгалтын ажиллагааг явуулж байна. Тухайн машиныг жолоодож байсан жолооч эрүүл байсан бөгөөд мөргүүлсэн хүүхэд одоогоор биеийн байдал сайнгүй эмнэлэгт хэвтэн эмчлүүлж байгааг Цагдаагийн байгууллагаас мэдээллээ.