Л.Энх-Амгалан: Монголд 15,000 орчим хөгжлийн бэрхшээлтэй иргэн хөдөлмөр эрхэлж байгаа нь хангалтгүй үзүүлэлт

Гэр бүл, хөдөлмөр, нийгмийн хамгааллын яам 2025 оныг Хөгжлийн бэрхшээлтэй иргэдийн хөдөлмөр эрхлэлтийг дэмжих жил болгон зарласан. Энэ хүрээнд “Хөгжлийн бэрхшээлтэй иргэдийн хөдөлмөр эрхлэлтийн шинэ боломжийг танилцуулах өдөр” уулзалтыг өнөөдөр зохион байгууллаа.

Уг арга хэмжээнд төр, хувийн хэвшил, иргэдийн төлөөлөл оролцсон бөгөөд Засгийн газраас энэ чиглэлд хэрэгжүүлж буй бодлогын талаар Гэр бүл, хөдөлмөр, нийгмийн хамгааллын сайд Энх-Амгалан танилцуулсан. Мөн хөгжлийн бэрхшээлтэй иргэд болон аж ахуйн нэгжүүдийн төлөөлөл хөдөлмөр эрхлэх боломж, тулгарч буй хүндрэлүүдийн талаар санал бодлоо хуваалцлаа.

Гэр бүл, хөдөлмөр, нийгмийн хамгааллын сайд Л.Энх-Амгалан: Монгол Улсын Засгийн газраас 2025 оныг хөгжлийн бэрхшээлтэй иргэдийн хөдөлмөр эрхлэлтийг дэмжих жил болгон зарласан. Хөгжлийн бэрхшээлтэй иргэдийг зөвхөн халамж авдаг хүмүүс гэж ойлгож болохгүй. Өнөөдөр Монгол Улсад 111200 хөгжлийн бэрхшээлтэй иргэн байна. Үүнээс хөдөлмөр эрхлэх боломжтой 80 гаруй мянган иргэн бий. Гэвч одоогоор ердөө 15,000 орчим хөгжлийн бэрхшээлтэй иргэн хөдөлмөр эрхэлж байна. Энэ бол хангалтгүй тоо.

Хөгжлийн бэрхшээлтэй иргэдийг зөвхөн халамж авдаг хүмүүс гэж ойлгож болохгүй.

Гэр бүл, хөдөлмөр, нийгмийн хамгааллын сайд Л.Энх-Амгалан:

Л.Энх-Амгалан: Монголд 15,000 орчим хөгжлийн бэрхшээлтэй иргэн хөдөлмөр эрхэлж байгаа нь хангалтгүй үзүүлэлт

"Зөвхөн ажилд зуучлаад орхих биш, иргэдийн ур чадварт үнэлгээ хийж, шаардлагатай сургалтад хамруулан, ажлын байртай нь холбох тогтолцоог хөгжүүлж байна."