Хятад улс гангийн үйлдвэрлэлийг дагасан эрчим хүчний хэрэглээ, хүлэмжийн хийн ялгаруулалтыг бууруулах бодлого хэрэгжүүлж буй. Энэхүү шинэчлэлийн бодлоготой холбоотойгоор 2025 оны эхний хоёр сард Хятад улсын түүхий гангийн үйлдвэрлэл жилийн өмнөхөөс 1.5 хувиар буурсан гэж албан ёсны мэдээнд дурдсан байна. 2024 онд Хятадын ган үйлдвэрлэгчид 1.005 тэрбум тонн ган үйлдвэрлэсэн нь өмнөх оны мөн үеэс 1.7 хувиар буурсан үзүүлэлт байснаас гадна сүүлийн таван жилийн хамгийн бага түвшинд хүржээ.

Хятадын Үндэсний хөгжил, шинэтгэлийн хороо (NDRC) гангийн үйлдвэрлэлийг цаашид танах төлөвлөгөөтэй байгаагаа мэдэгдсэн боловч тодорхой зорилтуудыг зарлаагүй байна. Энэхүү бууралт гангийн үйлдвэрлэлийн хэт их хүчин чадлыг багасгах, дотоодын эрэлттэй уялдуулах, байгаль орчны стандартыг сайжруулах, салбарын үр ашигтай байдлыг нэмэгдүүлэх зорилготой.

Хятад улс гангийн үйлдвэрлэлээс үүсэх нүүрстөрөгчийн ялгарлыг 2025 он гэхэд 200 сая тонноор бууруулах зорилго тавин ажиллаж байгаа. Уг шийдвэр хүрээлэн буй орчны зорилтууд болон дэлхийн зах зээлийн өөрчлөлтөд ихээхэн нөлөө үзүүлж байна.

Хятад улс Монголын төмрийн хүдэр, коксжих нүүрсний гол худалдан авагч учраас гангийн үйлдвэрлэл буурах нь Монгол Улсад шууд нөлөөлөх магадлал өндөр. Тухайлбал, Монгол Улсад дараах хэд хэдэн томоохон нөлөө үзүүлэх магадлалтай гэж харж байна.