ESL Pro League-ийн 21 дэх улирал Шведийн Стокгольм хотод зохион байгуулагдаж байгаа бөгөөд дэлхийн шилдэг 24 CS2 баг оролцож, нийт 1,000,000 ам.долларын шагналын сангийн төлөө өрсөлдөж байна.

Тус тэмцээн жилд хоёр удаа зохион байгуулагддаг бөгөөд энэ удаагийн Season 21 тэмцээний хагас шигшээд шалгарах тоглолтод "The MongolZ" баг Украйны алдарт "Natus Vincere" (NAVI) багийг 2:0-ийн харьцаатай буулган авч, томоохон амжилт үзүүллээ.

Ялагдал хүлээсэн "Natus Vincere" (NAVI) баг нь ESL Pro League Season 20 тэмцээний аварга цолтой байсан бөгөөд "The MongolZ" багийн хувьд "NAVI"-г анх удаа хожсон түүхэн мөч болж байна.

Ингэснээр "The MongolZ" баг хагас шигшээд шалгарч, Францын "Vitality" багтай учраа таараад байна. Уг тоглолт гуравдугаар сарын 16-ны шөнийн 01:30 цагт болох бөгөөд ялалт байгуулсан баг финалд өрсөлдөх эрх авах юм.