Монголын нийслэл жил бүрийн өвөл хорт утаанд бүрхэгддэг бөгөөд 10 гаруй жилийн турш үе үеийн Засгийн газрууд агаарын бохирдлын эсрэг арга хэмжээ авсаар байгаа ч үр дүн гарахгүй байна.

Амьсгалын замын өвчлөл тогтмол нэмэгдэж, тав хүртэлх насны хүүхдийн нас баралтын шалтгааны хоёрдугаарт уушгины хатгалгаа орж байна. Уянгаагийн хүү уушгины хатгалгаа өвчнөөр эмнэлэгт хүргэгдсэн бөгөөд дараа нь дэлхийн хамгийн муухай агаартай хотын хүүхдүүд эмчлүүлж буй тасагт хоёрдогч халдвар авсан байна. Уянга “Хүүгээ эрчимт эмчилгээнд хэвтэхэд нь би маш их айсан. Би хотдоо хайртай, цаашид ч энд амьдармаар байна. Гэхдээ хүүхдүүдийнхээ эрүүл мэндийг бодохоор Улаанбаатарыг үзэн ядаж байна" хэмээн ярьж байна.  Өвлийн улиралд хотын өдөр тутмын дундаж PM 2.5 буюу уушиг болон цусны урсгалд орох жижиг тоосонцор Дэлхийн эрүүл мэндийн байгууллагын аюулгүй гэж үзсэн хэмжээнээс 27 дахин их байдаг. Уулаар хүрээлэгдсэн сав газарт орших Улаанбаатар хот цахилгаан станцууд болон айл өрхүүдийн утаагаар бүрхэгддэг. Өвлийн ихэнх өглөө хотын төв хэсэгт байрлах орон сууц, Монголын уламжлалт гэр утаагаар бүрхэгдсэн байдаг. Хэдэн зуун мянган нүүдэлчид тогтвортой орлоготой болохын тулд нийслэл хотыг зорин ирэхийн хэрээр гэр хороолол хүрээгээ тэлсээр байна. Өвлийн улиралд агаарын температур хасах 40 хэм (хасах 40 Фаренгейт) хүрч хүйтрэх үед гэр хорооллын айлууд нүүрс түлж эхэлдэг. Нүүрс худалдагч 67 настай Болдын Баярхүү “Монголд агаарын бохирдолд санаа зовдоггүй хүн байхгүй байх гэж бодож байна” хэмээсэн бол нярав Оюунбилэг хоёр өдөр тутам 25 кг шахмал шахмал түлш шатаадаг хэмээн ярилаа. Түүний гэр бүл цахилгаан халаагуурт шилжихийг оролдсон боловч  төлбөрөө төлж чадахгүйд хүрчээ.

Хүүхдүүдийн дунд амьсгалын замын өвчлөл нэмэгдэж байгааг сургуулийн эмч Янжмаа онцлоод "Энэ агаараар амьсгалж байгаа хүмүүсийн уушиг эрүүл байх боломжгүй" гэв. Уянга нөхрийн хамт анхны хүүхдээ төрөхөд гурван сарын турш агаарын чанар сайтай газар орон сууц түрээслэхэд багагүй  мөнгө зарцуулжээ.  2019 онд Засгийн газар түүхий нүүрсийг цэвэршүүлсэн шахмал түлшээр сольсон нь агаарын чанарт  бага ч гэсэн үр өгөөжөө өгсөн гэж Улсын цаг уурч Балдоржийн Бархасрагчаа ярьж байна. Харин сайжруулсан түлш худалдагч Баярхүү "Би хувьдаа ямар ч үр дүн харахгүй байна" гэв. Харин  нийслэлийн Засаг даргын агаарын бохирдлын асуудал хариуцсан орлогч Амартүвшингийн Амгаланбаяр “Энэ жил 20 мянган айл өрх хийн түлшинд шилжинэ, ингэснээр бохирдол 15 хувиар буурна” гэж ярьлааа. Албан ёсны үр ашиггүй байдлын бэлгэ тэмдэг болсон удаан хугацаагаар саатсан метро 2028 он гэхэд баригдана гэдгийг тэрбээр мөн онцоллоо. 40 настай хүн “20 жилийн өмнө буюу намайг оюутан байхад шийдвэрлэнэ гэж ярьж байсан асуудлууд одоо ч байсаар байна” хэмээн ярьж байна.