Монголбанкны Мөнгөний бодлогын хороо гуравдугаар сарын 06, 07-ны өдөр хуралдаж, гадаад дотоодын эдийн засгийн нөхцөл байдлыг харгалзан мөнгөний бодлогын хүүг хоёр хувиар нэмэгдүлэх, хэрэглээний зээлийн өр, орлогын хязгаарыг шинэчлэн тогтоохор шийдвэрлэжээ. Мөнгөний бодлогын хорооноос гаргасан шийдвэрийг Монголбанкны ерөнхийлөгч Б.Лхагвасүрэн танилцууллаа.
Мөнгөний бодлогын хорооноос:
Бодлогын хүүг хоёр нэгж хувира нэмэгдүүлж, 12 хувь болгох
Хэрэглээний зээлийн өр, орлогын харьцааны дээд хязгаарыг 50 хувиар шинэчлэн тогтоох
Тэтгэврийн зээлд зохицуулалт хийх. Тэтгэвэр, тэтгэмж барьцаалсан зээлийн хувьд зээлийн саын төлбөрөө төлсний зээлдэгчид үлдэх орлого нь амьжиргааны доод түвшинг хангахад хүрэлцэхүйц буй түүнээс доошгүй байх шийдвэрийг тус тус гаргажээ.
Том төслүүдийг дотоодоос санхүүжүүлэх орон зай байхгүй
Монголбанкны ерөнхийлөгч Б.Лхагвасүрэн: Дээрх бодлогын шийдвэрийг гаргахад гадаад, дотоод дараах нөхцөлийг байдлыг харгалзан үзлээ. АНУ-аас хэрэгжүүлж буй бодлого нь олон улсад түүхий эдийн үнийн төлөвт цаашид сөргөөр нөлөөлөх эрсдэл байна. Мөн БНХАУ-д үл хөдлөх хөрөнгийн хямрал үргэлжилж, гангийн эрэлт сайнгүй байгаа нь нүүрс, төмрийн хүдрийн үнэ буурах шалтгаан болж байна.
Инфляц сүүлийн саруудад нэмэгдэж, 2025 оны нэгдүгээр сарын байдлаар 9.6 хувьтай гарсан. Цахилгааны үнэ болон өрхийн цалин орлогын өсөлтийг дагааж үйлчилгээ, түрээс импортын барааны үнэ өндөр өссөн нь голлон нөлөөлсөн. Хоёрдугаар сараас нийтийн тээврийн үнэ өсөж, эрэлтийн болон зардлын шалтгаантай дарамт хүлээлтээс нэмэгдсэнийг харгалзан Монголбанк инфляцын төсөөллөө шинэчиллээ. Ирэх оны хоёрдугаар улирлаас инфялц Монголбанкны зорилтот түвшинд тогтворжих тооцоолол гарсан. Хүлээлтээр дамжин үнийн өсөлт эрчимжих, мөн хоёр дахь үеийн нөлөө нэмэгдэх эрсдэлийг бууруулах үүднээс бодлогын тохирогоор зайлшгүй хийх шаардлага гарсан.
Түүчлэн, цаашид хэрэгжүүлэхээр төлөвлөсөн том төслүүдийн бүтээн байгуулалтыг гадаадаас хөрөнгө оруулалт татаж санхүүжүүлэх төлөвлөгөөтэй байгаа бөгөөд дотоодоос санхүүжүүлэх орон зай байхгүй гэдгийг дурдах нь зүйтэй гэлээ.
