УИХ-ын гишүүн Ч.Лодойсамбуу өнгөрсөн хоёрдугаар сард Ерөнхий сайд Л.Оюун-Эрдэнийг огцруулах санал гаргаж, гишүүдийн гарын үсэг цуглуулж эхэлсэн билээ. Тэгвэл тэрээр "Цагаан сарын баяр ч дууслаа, одоо ажилдаа орно. Гэхдээ хуулийн хүрээнд дэвшүүлсэн асуудал маань дээсийн хилэнг хүргэж, амь насанд заналхийлж үзлээ" гэж өөрийн нийгмийн сүлжээгээрээ дамжуулан мэдэгдэв.

УИХ-ын гишүүн Ч.Лодойсамбуу: Заа сайхан шинэллээ. Одоо ажилдаа орно доо. Хуулийн хүрээнд асуудал дэвшүүлсэн биш дээдсийн хилэнг хүргэж бүтэн саржингаа үнэний мөргүй элдэвлүүллээ. Ардуур нь цус ген, удам судар, ах дүү, анд найз, танил нөхөд нэгд нэгэнгүй онгичиж байна. Хайрлаж хамгаалж байгаа дүрээр амь насанд ч заналхийлж үзлээ. Тагнах чагнах нь ч утгаа алдсан бололтой. Онгичоод онгичоод түрээсийн байрнаас өөр ярих юм олдохгүй нь харц дээгүүр явдгийн минь шалтгаан. Яадаг ч бай дарангуйлалд дасаж, хүлцэж болохгүй. Монголчууд хэзээнээсээ дарангуй дээрэнгүйд дорой яваагүй юм. Наадуул чинь бүр эрүүл ухаанаа алдаж галзуурсан байна шүү!