Эдийн засаг хөгжлийн сайд Л.Гантөмөр эдийн засгийн нөхцөл байдал, бизнесийн орчин, Засгийн газраас хэрэгжүүлж байгаа үйл ажиллагааны талаар асуудлаар мэдээлэл хийлээ.Тэрээр "2024 оны эдийн засгийн өсөлтийг 5.6 хувь гэж тооцож байсан. Харин оны сүүлээр 4.9 хувьтай гарсан. Нэрлэсэн дүнгээрх эдийн засгийн өсөлт 80 их наяд хүрсэн. Нэг хүнд оногдож байгаа ДНБ 6890 ам.доллар болсон. Манай эдийн засгийг уул уурхайн салбар авч явж байгаа. Энэ салбарын өсөлт 10.8 хувьтай гарсан. Алтны олборлолт 5 тонноор буурсан нь эдийн засгийн өсөлт төсөөлөлд хүрээгүйн шалтгаан болсон. Тиймээс алтны олборлолтыг нэмэгдүүлэх шаардлагатай. 28.7 хувиар хөдөө аж ахуйн салбар унасан. 9.4 сая толгой мал хорогдсон. Мөн боловсруулах үйлдвэр ахицгүй байсан. Ялангуяа, гурилын үйлдвэрлэл буурсан. Эрчим хүчний салбарт 5.2 хувийн өсөлттэй байсан. 5.6 тэрбум ам.долларын валютын нөөцтэй оныг дуусгасан. 2024 оны нэгдүгээр сарыг 2025 оны нэгдүгээр сартай харьцуулахад зээлийн гаралт 31 хувиар нэмэгдсэн. Үүнд цалингийн зээл 44, тэтгэвэр 29, хадгаламж барьцаалсан зээл 19 хувиар өссөн. Банк, ББСБ дээр давхар зээлтэй 350 мянган хүн байна. Үүний өр, орлогын харьцаа 79 хувьд хүрсэн. Нэг үгээр хэлбэл, орлогынхоо 80 хувийг зээлд төлөөд 20 хувиар нь амьдарч байна. Тиймээс Санхүүгийн зохицуулах хороо өр орлогын харьцааг бууруулах тал дээр тодорхой ажил хийх ёстой.
