Энэ жилийн Цагаан сарын амралт бямба, ням гарагт таарч байгаа. Өөрөөр хэлбэл, хуулийн дагуу амралтын хоёр хоног шинэлээд ажил, хичээл эхэлнэ гэдгийг Гэр бүл хөдөлмөр нийгмийн хамгааллын сайд Л.Энх-Амгалан мэдээлсэн.

Тэгвэл 11-11 төвд иргэдээс ирсэн гомдлын дагуу Цагаан сарын амралтын хоногт өөрчлөлт оруулах асуудлыг энэ 7 хоногийн Засгийн газрын хуралдаанаар хэлэлцэхээр болжээ. Засгийн газрын ээлжит хуралдаан лхагва гарагт болно. 11-11 төвд нийт 257 иргэн санал гомдол гаргажээ.