Засгийн газрын Хяналт хэрэгжүүлэх газраас төрийн болон хувийн судалгаа шинжилгээний байгууллага, олон улсын хүрээлэнгүүдтэй хамтран ажиллахаар улирал тутам уулзалт, хэлэлцүүлгийг зохион байгуулж буй юм. Энэ удаагийн хэлэлцүүлэг байгаль орчны салбарт үйл ажиллагаа явуулж буй судалгааны байгууллагуудын хүрээнд зохион байгууллаа.

Хэлэлцүүлгийг нээж Засгийн газрын Хяналт хэрэгжүүлэх газрын дарга Ч.Өнөрбаяр үг хэллээ, Тэрбээр төрийн байгууллагууд шийдвэр гаргахдаа эрдэм шинжилгээний байгууллагуудаа сонсдог, бодлогын баримт бичигтээ тусгадаг байх хамтын ажиллагаа шаардлагатай байгааг онцлов.

Уг уулзалтаар судалгааны байгууллагуудтай хамтран ажиллах, цаг үеийн болон нийгэм, эдийн засгийн тулгамдсан асуудлаар санал, мэдээлэл солилцох зорилгоор улирал бүр уулзалт зохион байгуулж, хамтарсан судалгаа хийх ажлыг тогтмол болгох зорилготой юм.

Засгийн газрын Хяналт хэрэгжүүлэх газрын Тандалт, судалгаа, бодлого төлөвлөлтийн газрын дарга Н.Баярмаа "Байгаль орчны салбарт мөрдөгдөж буй 18 хууль, 94 захиргааны хэм хэмжээ тогтоосон тушаал, шийдвэрт чиг үүргийн болон мандатын шинжилгээг хийж байгаа. Тусгай зөвшөөрөлтэй 180 гаруй аж ахуйн нэгжийн төлөөлөлтэй ганцаарчилсан ярилцлага, судалгаа хийж Байгаль орчны салбарын албан хаагчдаас сэтгэл ханамж, зохион байгуулалт, үйл ажиллагаатай холбоотой судалгаа авч ажилласан.