Төсвийн хөрөнгө оруулалтын тухай анхдагч хуультай болохоор салбарын хэлэлцүүлгүүдийг хийж эхлээд байна. Өнөөдрийн байдлаар Монгол Улсад хөрөнгө оруулалт есөн эх үүсвэрээс хийгдэж байгаа боловч нэгдсэн нэг хуульгүйгээс хөрөнгө оруулалт давхцах, хяналтгүй, үр ашиггүй хөрөнгө оруулалт хийгдэх, олон жил сунжирч санхүүжилт нэмэгдэх гэх мэт олон сөрөг үр дагаврыг бий болгож байна.

Тиймээс Сангийн яамнаас Төсвийн хөрөнгө оруулалтын анхны хуулийн төслийг боловсруулж байгаа бөгөөд салбарын хэлэлцүүлгүүдийг өнөөдрөөс эхлүүлжээ. Тус хууль нь таван гол асуудлыг зохицуулна. Нэгд, эх үүсвэрүүдийг оновчтой хуваарилах, хоёрт, төслүүдээ эрэмбэлэх, гуравт, зураг төсөв, ТЭЗҮ-ийг нэг болгох, дөрөвт, хөрөнгө оруулалтыг өмчийн удирдлагаар хангах, тавд, хиймэл оюун ухаан нэвтрүүлэх юм байна. Мөн хуульд том, дунд, жижиг хөрөнгө оруулалтыг зааглаж өгөхөөс гадна төлөвлөлтөөс эхлээд ашиглалт хүртэл бүх процессыг нарийвчлан зохицуулж өгөх юм байна.

Манай улсад төсвийн хөрөнгө оруулалтаас гадна төрийн өмчит аж ахуйн нэгжүүдийн хөрөнгө оруулалт маш их байдаг. ОУВС-гийн хийсэн судалгаагаар төрийн өмчит компаниудын хөрөнгө оруулалт төсвийн хөрөнгө оруулалтаас ес дахин их байна гэсэн дүн гарчээ. Тус хууль батлагдсанаар бүх эх үүсвэрийн хөрөнгө оруулалтыг хяналтай, оновчтой болгох боломжтой болох аж.

Хөрөнгө оруулалтын эх үүсвэрүүд: