Цагаан сарын баяр дөхсөнтэй холбоотойгоор томоохон зах, худалдааны төв болон нийслэлийн авто замуудын хөдөлгөөний ачаалал эрс нэмэгдсэн байна. Тиймээс ирэх бямба гарагаас битүүний өдөр хүртэл буюу 02.22-02.27 хүртэл автомашиныг улсын дугаарын тэгш, сондгойгоор хөдөлгөөнд оролцуулах санал гаргаж, иргэдээс санал авсан. Санал өгсөн иргэдийн 50-иас дээш хувь нь дэмжсэнээр автомашиныг улсын дугаарыг тэгш, сондгойгоор хөдөлгөөнд оролцуулахаар болсон байна.
Энэ талаар Автозамын түгжрэлийг бууруулах төсөл, хөтөлбөрийн зохицуулагч Д.Бадарсан болон ТЦА, ЗХУТ-ийн холбогдох албаныхан мэдээлэл өглөө. Түүнчлэн, Захирамжийн хавсралтаар зарим тээврийн хэрэгсэл бүсэд болон цагийн, дугаарын хязгаарлалтад оролцохгүй. Тодруулбал, гадаадын зочин, төлөөлөгчийн айлчлалын болон дипломат байгууллагын, хэвлэл мэдээллийн байгууллагын таних тэмдэг бүхий машин, сургууль, цэцэрлэгийн багш, ажилчдын унаа зэрэг зарим тодотгол хавсралтаар заагдсан машинуудад хязгаарлалт нөлөөлөхгүй.
ТЦА-ны урьдчилан сэргийлэх хэлтсийн ахлах мэргэжилтэн, хошууч Г.Отгонтамир: Иргэдэд хоёрдугаар сарын 22-27-ныг хүртэл өглөөний 08.00 цагаас оройны 20.00 цаг хүртэл дугаарын хязгаарлалт үйлчилнэ. Өвлийн бүсчлэл хэвээрээ байгаа. Үүнд, Таван шарын уулзвар нэмэгдсэн. Таван шарын уулзвараас зүүн тийшээ Чулуун-Овооны уулзвар, хойшоогоо 32-ын уулзвар, урд хэсгээрээ МИС-ийн уулзвар болон 120 мянгатын уулзвар байгаа. МИС-ийн уулзвараас 19-ын үйлчилгээний төвийн Дунд голын зам нэмэгдсэн. Мөн Махмат Гандигийн гудамж болон урагшаа И-Мартын уулзвар хүртэлх замууд нэмэгдээд байна. Иймд иргэд та бүхэн зургаан хоногийн хугацаанд улсын дугаарын сүүлчийн орны тэгш сондгой хязгаарлалтаар Цагдаагийн албан хаагчийн тавьсан хууль ёсны шаардлагад нийцүүлж, замын хөдөлгөөндөө соёлтой оролцоорой. Тэгвэл дараах өдрүүдэд тэгш, сондгой тоогоор оролцох хөдөлгөөнийг танилцуулъя.
- Хоёрдугаар сарын 23-ны өдөр Тэгш тоогоор төгссөн тээврийн хэрэгсэл хөдөлгөөнд оролцоно.
ЗХУТ-ийн хөдөлгөөн, зохицуулалт удирдлагын хэсгийн дарга н.Намуун: Зах худалдааны төвүүд рүү чиглэсэн хөдөлгөөнөөс шалтгаалаад баяр ёслолын үед замын хөдөлгөөний ачаалал нэмэгддэг. Ер нь дундаж хурд оргил ачааллын үед 7 км цаг байснаас 5км цаг болж удаашрах эрсдэлтэй тул арга хэмжээ авч байна. Өнгөрсөн жил арванхоёрдугаар сарын 18-наас хоёрдугаар сарын 1-нийг хүртэл дугаарын хязгаарлалтыг хийсэн. Тус хугацаанд хөдөлгөөн зохицуулалтын тоо 40 хувиар буурсан. Хөдөлгөөнд оролцогчдын 45 хувиар буурч, түүнийг дагаад зам тээврийн осол буурсан зэрэг эерэг нөлөө гарсан.
