ТОЙМ: Монголын нүүрсний экспортын 40 хувийг бүрдүүлэгч "Эрдэнэс Тавантолгой" ХК ажлаа тайлагнав

“Эрдэнэс Тавантолгой” ХК-ийн удирдлагын багийн гишүүд 2024 онд хэрхэн ажилласнаа олон нийтэд нээлттэй танилцууллаа. “Эрдэнэс Тавантолгой” ХК 2024 онд улс төрийн шахааны даргагүй, Засгийн газрын БЭТ-гүйгээр, дотроосоо гүйцэтгэх захирлын үүргийг түр орлон гүйцэтгэгчийг томилж ажиллажээ. Товчхондоо, компанийн удирдлагын баг мэргэжлийн түвшинд ажиллаж, тус компанийн түүхэн дэх хамгийн өндөр борлуулалтай, улсад төвлөрүүлэх татвар хураамж, ашигт ажиллагааг өсгөж, дотоодын өр төлбөр, оффтэйк гэрээтэй холбоотой асуудлыг бүрэн шийдвэрлэж ажилласан байна. Ингээд "Эрдэнэс Тавантолгой" ХК-ийн 2024 оны тайлангийн мэдээллээс онцлох тоо, баримтыг тоймлоё.

Эрдэнэс Тавантолгой ХК-ийн Санхүү, хөрөнгө оруулалтын газрын дарга Г.Гантулга

Онцлох тоо:

“Эрдэнэс Тавантолгой” компани 2024 оны жилийн эцсийн байдлаар 30.4 сая тонн нүүрс олборлож, 29.6 сая тонныг нь борлуулжээ.
Нийт 3 тэрбум ам.доллар буюу 10.2 их наяд төгрөгийн борлуулалтын орлого олжээ.