Эрдэнэс Тавантолгой ХК-ийн гүйцэтгэх захирлын түр орлон гүйцэтгэгч Х.Мөнхжаргалаас 1072 хувьцаа эзэмшигч иргэдэд олгох ногдол ашгийг хэзээнээс тараах талаар зарим зүйлийг тодрууллаа. Тэрээр "Компани Цагаан сараас өмнө хувьцаа эзэмшигч иргэдэд 100 мянга, Цагаан сарын дараа дөрөвдүгээр сард 100 мянган төгрөг тараахаар төлөвлөж байна. Компанийн хуулийнхаа дагуу иргэдэд ногдол ашиг тарааж байгаа. Компанийн хувьд ч нөөц боломж бүрэн байгаа. Иргэдэд олгох ногдол ашгийн хувааж олгох чиглэлийг Засгийн газраас өгсөн. Энэ дагуу хувааж олгоно.2024 оны санхүүгийн балансаар 1072 хувьцаатай нэг иргэнд 350 мянга орчим төгрөгийн ногдол ашиг тараахаар болсон. Үүнээс, 2024 оны арванхоёрдугаар сард урьдчилаад 130 мянган төгрөгийн ногдол ашгийг иргэдийн дансанд шилжүүсэн. Үлдсэн 200 мянга орчим төгрөгийг Цагаан сарын өмнө, хойно хоёр хувааж олгоно. Иргэдийн ногдол ашигт нийтдээ 1.1 их наяд төгрөг хуваарилагдаж байна.Харин төрийн эзэмшлийн ногдох ногдол ашигт 2.8 их наяд буюу иргэдийнхтэй нийлээд 3.9 их наяд төгрөгийг ногдол ашигт хуваарилагдана. Компани 2024 оны жилийн эцсээр 4.5 их наяд төгрөгийн цэвэр ашигтай ажилласан. Үүний 86 орчим хувийг ногдол ашиг болон гарч байна " гэлээ.
