Цар тахлын жилүүдэд дэлхий даяар хөл хорио тогтоосноос болж олон бизнес дампуурлаа зарлаж мянга мянган хүн ажилгүйдэлд өртсөнөө зарлаж байсан нь саяхан. Энэ хүнд цаг үеийг Монголчууд тойроогүй дайраад л гарсан. Тэнхлүүн явахад тэмээгээр тусалснаас тэвдэж явахад тэвнээр тусал гэдэг дээ. Цар тахлын амаргүй нөхцөлд буюу 2021 онд “Рио Тинто Монгол” ХХК болон “Инвескор” ББСБ-тай хамтран “Жижиг, дунд бизнес эрхлэгчдийг дэмжих хөтөлбөр” эхлүүлж амжилттай хэрэгжүүлж ЧАДЛАА.Тус хөтөлбөрийн хүрээнд “Рио Тинто Монгол” ХХК нийт 4.7 тэрбум төгрөгийн эх үүсвэрийг гаргаж, Инвескор ББСБ-аар дамжуулан 183 бизнест жилийн 4.8 хувийн хүүтэй нэн хөнгөлөлттэй зээл олгожээ. Энэхүү зээлийн үр дүнд цар тахлын үеэр хүндрэлд ороод байсан 845 ажлын байр хадгалж, 45 ажлын байр шинээр бий болгожээ. Ингээд тус төслийн хаалтын үйл ажиллагаанаас онцлон хүргэе.Уналтаас босоход тусалсан түүхЖижиг, дунд бизнес эрхлэгчдийг дэмжих төсөл нь 2021 оны гуравдугаар улиралд эхэлсэн бөгөөд 2024 оны гуравдугаар улирал хүртэл нийт гурван жилийн хугацаанд хэрэгжсэн байна. Хөтөлбөрийн гол зорилго нь ямар нэгэн ашиг харах биш цар тахлын үед хамгийн хүнд цохилтод орсон жижиг, дунд бизнес эрхлэгчдэд бага хүүтэй зээл олгох, зөвлөх үйлчилгээ үзүүлэхэд чиглэжээ. Тус зорилгодоо ч хангалттай хүрч чадсан нь хаалтын үйл ажиллагаанд оролцсон бизнес эрхлэгчдийн сэтгэгдлээр батлагдаж байлаа. Уг хариуцлагатай ажилд манлайлан ажилласан “Рио Тинто Монгол” компанийн Хэрэг эрхлэх ерөнхий зөвлөх О.Анар болон “Инвескор” ББСБ-ын бизнес хариуцсан захирал Ш.Оюунчимэгтэй ярилцсанаа хүргэе.-
